പാലോട്: നന്ദിയോട് ആലംപാറ ദേവീക്ഷേത്രത്തിലെ ദേശീയ മഹോത്സവം ഫെബ്രുവരി 7 മുതൽ 16 വരെ നടക്കുമെന്ന് ഭാരവാഹികളായ ആർ. പ്രവീൺ, എസ്. രാജേഷ്, ഡി.ടി. സജീവ് എന്നിവർ അറിയിച്ചു. 7 ന് രാവിലെ 9.15ന് ക്ഷേത്രതന്ത്രി ബ്രഹ്മശ്രീ പാണാവള്ളി അശോകൻ തന്ത്രി തൃക്കൊടിയേറ്റ് കർമ്മം നിർവഹിക്കും. 9.45 ന് പ്രഭാത ഭക്ഷണം.10 ന് കുങ്കുമാഭിഷേകം, കലശാഭിഷേകം.12.30 ന് അന്നദാനം, വൈകിട്ട് 5.30ന് ഭഗവതിസേവ, രാത്രി 7ന് കാപ്പുകെട്ടി കുടിയിരുത്തി തോറ്റൻ പാട്ട്. 9.30 ന് ഗാനമേള. 8ന് പതിവ് ക്ഷേത്ര ചടങ്ങുകൾക്ക് പുറമേ രാത്രി 9ന് ട്രാക്ക് ഗാനമേള. 9ന് രാവിലെ ആയില്യം ഊട്ട്. രാത്രി 9.30 ന് നൃത്തനൃത്യങ്ങൾ. 10ന് രാവിലെ 8 മുതൽ രാമായണ പാരായണം. രാത്രി 9.30ന് നൃത്ത നൃത്യങ്ങൾ. 11ന് വൈകിട്ട് 6.50ന് താലപ്പൊലി. നാട്ടുതാലപ്പൊലി ഘോഷയാത്ര നന്ദിയോട് നളന്ദ ജംഗ്ഷനിൽ നിന്നും നന്ദിയോട് കാണിക്ക വഞ്ചിക്ക് സമീപത്തു നിന്നും കള്ളിപ്പാറ ആയിരവില്ലി ക്ഷേത്രത്തിൽ നിന്നും ആരംഭിക്കും. 7 ന് മാലപ്പുറം പാട്ട്. മംഗലു പൂജ, ദീർഘ സുമംഗലി പൂജ, 8.30 ന് മധുര പലഹാര വിതരണം. 9.30ന് കഥകളി, 12ന് രാത്രി 9.30ന് നൃത്ത നാടകം. 13ന് രാത്രി 9.30 ന് നൃത്തസന്ധ്യ. 14ന് രാത്രി 9.30 ന് നൃത്തനാടകം. 15ന് രാവിലെ 8ന് പുഷ്പാഭിഷേകം, 9 ന് പൊങ്കാല, 11.18ന് പൊങ്കാല നിവേദ്യം, വൈകിട്ട് 6ന് ഊരുചുറ്റു ഘോഷയാത്ര, രാത്രി 8 ന് വെള്ളപ്പുറം തൂക്കം. 16ന് രാവിലെ 4.45 ന് തൃക്കണി ദർശനം, 7ന് ഉരുൾ, തുലാഭാരം, പന്തീരടി പൂജ. രാവിലെ 8ന് പ്രഭാത ഭക്ഷണം, 8.30 ന് പുഷ്പാഭിഷേകം, 9 ന് മഹാമൃത്യുഞ്ജ യഹോമം, 10.30 ന് കാപ്പഴിച്ച് അരയിരുത്ത് പാട്ട്, ഉച്ചക്ക് 2.30 ന് വില്ലിൽ തൂക്കം, വൈകിട്ട് 6 ന് ആറാട്ട് ഘോഷയാത്ര, രാത്രി 10ന് വിളക്ക്, കുത്തിയോട്ടം, താലപ്പൊലി. രാത്രി 7 ന് ശ്രീമദ് ഭഗവത് ഗീത സ്റ്റേജ് ഷോ, രാത്രി 11 ന് കോമഡി ഫെസ്റ്റിവൽ, രാത്രി 2ന് ഗുരുസി, 3ന് ആകാശവിസ്മയ കാഴ്ച.