നെയ്യാറ്റിൻകര: നെയ്യാറ്റിൻകര ലത്തീൻ രൂപത സംഘടിപ്പിക്കുന്ന 14 ാമത് നെയ്യാറ്റിൻകര ബൈബിൾ കൺവെൻഷന് നാളെ തുടക്കമാവും. കൺവെൻഷൻ നടക്കുന്ന നെയ്യാറ്റിൻകര മുനിസിപ്പൽ സ്റ്റേഡിയത്തിലെ പന്തലിന്റെ കാൽനാട്ട് കർമ്മം രൂപത വികാരി ജനറൽ മോൺ. ജി ക്രിസ്തുദാസ് നിർവഹിച്ചു. കൺവെൻഷൻ കോ ഓഡിനേറ്റർ ഫാ. ജറാൾഡ് മത്യാസ് ഫാ. ഡെന്നിസ് കുമാർ, ഫാ. ഫ്രാൻസിസ് സേവ്യർ, ജനറൽ കൺവീനർ കെ.ജി. പത്രോസ്, അംഗങ്ങളായ സുരേഷ്ബാബു, ജോസ്, സി.ടി. അനിത, രാജേന്ദ്രൻ തുടങ്ങിയവർ പങ്കെടുത്തു. 30 മുതൽ ഫെബ്രുവരി 3 വരെയാണ് കൺവെൻഷൻ നടക്കുന്നത്. അട്ടപ്പാടി സെഹിയോൻ ധ്യാന കേന്ദ്രത്തിലെ ഫാ. സേവ്യർഖാൻ വട്ടായിലും സംഘവുമാണ് 5 ദിവസം നടക്കുന്ന കൺവെൻഷന് നേതൃത്വം നൽകുന്നത്. വ്യാഴാഴ്ച വൈകിട്ട് 5ന് നെയ്യാറ്റിൻകര ബിഷപ് ഡോ. വിൻസെന്റ് സാമുവൽ ഉദ്ഘാടന കർമ്മം നിർവഹിക്കും. വിവിധ ദിവസങ്ങളിൽ നെയ്യാറ്റിൻകര റീജിയൻ കോ ഓഡിനേറ്റർ മോൺ.ഡി. സെൽവരാജ്, ശുശ്രൂഷ കോ ഓഡിനേറ്റർ മോൺ. വി.പി. ജോസ്, ഡോ. ക്രിസ്തുദാസ് തോംസൺ തുടങ്ങിവർ ദിവ്യബലിക്ക് നേതൃത്വം നൽകും. കൺവെൻഷൻ ഒരുക്കങ്ങൾ പൂർത്തിയായതായി കോ ഓഡിനേറ്റർ ഫാ. ജറാൾഡ് മത്യാസ് അറിയിച്ചു.

ഫോട്ടോ: നെയ്യാറ്റിൻകര ലത്തീൻ രൂപത സംഘടിപ്പിക്കുന്ന 14 ാംമത് നെയ്യാറ്റിൻകര കൺവെൻഷൻ നടക്കുന്ന മുനിസിപ്പൽ സ്റ്റേഡിയത്തിൽ പന്തലിന്റെ കാൽനാട്ട് കർമ്മം നെയ്യാറ്റിൻകര രൂപത വികാരി ജനറൽ മോൺ.ജി. ക്രിസ്തുദാസ് നിർവഹിക്കുന്നു