നെയ്യാറ്റിൻകര: സപ്ലൈ കോ എംപ്ലോയീസ് യൂണിയൻ (സി.ഐ.ടി.യു) നെയ്യാറ്റിൻകര, കാട്ടാക്കട- നെയ്യാറ്റിൻകര താലൂക്ക് കമ്മിറ്റി യോഗം ജില്ലാ സെക്രട്ടറി ആറ്റിങ്ങൽ ഡി. അനിൽകുമാർ ഉദ്ഘാടനം ചെയ്തു. മധുസൂദനൻ അദ്ധ്യക്ഷത വഹിച്ചു. താലൂക്കിലെ ഔട്ട്‌ലെറ്റുകളിൽ ടോയ്‌ലെറ്റ് സംവിധാനം ഉടൻ നടപ്പിലാക്കണമെന്നും അഴിമതി ഇല്ലാതാക്കണമെന്നും യോഗം ആവശ്യപ്പെട്ടു. സി.ഐ.ടി.യു താലൂക്ക് സെക്രട്ടറി പി. അനിൽ, ഉണ്ണികൃഷ്ണൻ, ഷിബുലാൽ എന്നിവർ പങ്കെടുത്തു.
പുതിയ ഭാരവാഹികളായി നെയ്യാറ്റിൻകര, കാട്ടാക്കട താലൂക്ക് പ്രസിഡന്റായി മധുസൂദനൻ നായരെയും സെക്രട്ടറിയായി എ. അനിൽകുമാറിനെയും തെരഞ്ഞെടുത്തു. സി.പ്രകാശൻ (ട്രഷറർ), സുനിൽരാജ് (വൈസ് പ്രസിഡന്റ്), ഗിരീഷൻ.ടി (ജോയിന്റ് സെക്രട്ടറി) എന്നിവരേയും വനിതാ പ്രതിനിധികളായി ഷെർളി ജോണിനേയും അഡീഷണൽ ജോയിന്റ് സെക്രട്ടറിയായി സ്മിതയേയും തിരഞ്ഞെടുത്തു.