തിരുവനന്തപുരം: സം​സ്ഥാന​ത്തെ റൈ​സ് മില്ലു​കൾ, ഫ്‌​ളോർ മില്ലു​കൾ, ദാൽ മില്ലു​കൾ എന്നീ മേഖലകളിലെ തൊഴിലാളി​ക​ൾ​ക്കു​ള്ള മി​നി​മം വേത​നം പു​തു​ക്കി തൊ​ഴിലും നൈ​പു​ണ്യവും വ​കുപ്പ് വി​ജ്ഞാപ​നം പു​റ​പ്പെ​ടു​വി​ച്ചു.
വി​ദഗ്ദ്ധ തൊ​ഴി​ലാളി വി​ഭാ​ഗ​ത്തിൽ മിൽ ഡ്രൈ​വർ, സോർ​ട്ടെ​ക്​സ് മെ​ഷീൻ ഓ​പ്പ​റേ​റ്റർ, ബോ​യിലർ ഓ​പ്പ​റേറ്റർ എ​ന്നി​വ​യിൽ മാ​സ​ശ​മ്പ​ള​ക്കാർക്ക് 13,130 രൂ​പയും 505 രൂ​പ ദി​വ​സ​വേ​ത​ന​വി​ഭാ​ഗ​ക്കാർക്കും നി​ശ്ച​യി​ച്ചു. അർ​ദ്ധ വി​ദ്ഗ്ദ്ധ തൊ​ഴി​ലാ​ളി വി​ഭാ​ഗ​ത്തിൽ ഹു​ള്ളർ​മാൻ/ഷെല്ലർ കൺ​വെയർ ഓ​പ്പ​റേ​റ്റർ എ​ന്നി​വ​യിൽ മാ​സ​ശ​മ്പ​ള​ക്കാർക്ക് 12,870 രൂ​പ​യും 495 രൂ​പ ദി​വ​സ​വേ​ത​ന​വി​ഭാ​ഗ​ക്കാർക്കും വേ​ത​ന​മാ​യി നി​ശ്ച​യി​ച്ചി​ട്ടു​ണ്ട്. അ​വി​ദഗ്ധ തൊ​ഴി​ലാ​ളി വി​ഭാ​ഗ​ത്തിൽ ബോ​യി​ലിംഗും കില്ലിംഗും സെ​ക്‌ഷ​നു​ക​ളി​ലെ യാർ​ഡ് വർ​ക്കർ​മാർ, അ​റ്റൻ​ഡർ​മാർ എ​ന്നി​വ​യിൽ മാ​സ​ശ​മ്പ​ള​ക്കാർ​ക്ക് 12,610 രൂ​പ​യും 485 രൂ​പ ദി​വ​സ​വേ​ത​ന​വി​ഭാ​ഗ​ക്കാർക്കും ലഭിക്കും.
ഓ​ഫീ​സ് സ്റ്റാ​ഫ് വി​ഭാ​ഗ​ത്തിൽ മാ​നേ​ജർ​മാർ​ക്ക് പ്ര​തി​മാ​സ​ശ​മ്പ​ള​മാ​യി 14,360 രൂ​പയും അ​ക്കൗ​ണ്ടന്റ്, ക്ലാർക്ക്, കം​പ്യൂട്ടർ ഓ​പ്പ​റേ​റ്റർ എ​ന്നി​വർ​ക്ക് 13,300 രൂ​പയും മാ​സ​ശ​മ്പ​ള​മാ​യി നി​ശ്ച​യി​ച്ചു.സെ​യിൽ​സ് അ​സി​സ്റ്റന്റ്, സെ​ക്യൂ​രി​റ്റി ഗാർഡ്, ഡ്രൈ​വർ എ​ന്നി​വർ​ക്ക് 12,850 രൂ​പയും ഓ​ഫീ​സ് അ​റ്റൻഡന്റ്/അ​സി​സ്റ്റന്റ് എ​ന്നി​വർ​ക്ക് 12,480 രൂ​പയും ക്ലീ​നർ/സ്വീ​പ്പർ വി​ഭാ​ഗ​ക്കാർ​ക്ക് 12,050 രൂ​പയും പ്ര​തിമാ​സ ശ​മ്പ​ള​മാ​യി നി​ജ​പ്പെ​ടു​ത്തി​യി​ട്ടുണ്ട്.