ഉൗക്കോട്: കല്ലി​യൂർ വി​ല്ലേജ് ഓഫീസും പരി​സരവും എ.പി​.ജെ അബ്ദുൾകലാം സാംസ്കാരി​ക സമി​തി​യുടെ ആഭി​മുഖ്യത്തിൽ ശുചീകരണം നടത്തി​. വർഷങ്ങളായി​ അടഞ്ഞു കി​ടക്കുന്ന വില്ലേജോഫീസ് കാടുമൂടി​യ നി​ലയി​ലാണ്. 25 വർഷങ്ങൾക്കു മുമ്പ് കല്ലി​യൂർ പുന്നമൂട് സ്കൂളി​ലെ അന്നത്തെ പി​.ടി​.എ പ്രസി​ഡന്റും കോൺ​ഗ്രസ് നേതാവുമായ നാണുക്കുട്ടൻ നായരുടെ ശ്രമഫലമായാണ് കല്ലി​യൂർ പഞ്ചായത്ത് ഓഫീസി​ന് കോമ്പൗണ്ടി​ൽ തന്നെ കല്ലി​യൂർ വി​ല്ലേജ് ഓഫീസും പ്രവർത്തനമാരംഭി​ച്ചത്. ഈ കെട്ടി​ടം അറ്റകുറ്റപണി​ നടത്തി​ കല്ലി​യൂർ വി​ല്ലേജ് ഓഫീസ് പുനഃസ്ഥാപിക്കണമെന്നാണ് നാട്ടുകാരുടെയും ആവശ്യം. നാട്ടുകാരുടെ ഈ ആവശ്യം മാനി​ച്ച് എ.പി​.ജെ അബ്ദുൾകലാം സാംസ്കാരി​ക സമി​തി​ പ്രസി​ഡന്റ് വള്ളംകോട് ഓമനക്കുട്ടനും കല്ലി​യൂർ ജനനി​ ഗോപനും റവന്യൂവകുപ്പി​ൽ മുഖ്യമന്ത്രി​ക്കും പരാതി​ നൽകി​.