കാട്ടാക്കട:കള്ളിക്കാട് അരുവിക്കുഴിയിൽ രാത്രിയിൽ വീടുകയറി ആക്രമണം.കള്ളിക്കാട് അരുവിക്കുഴി ഇളംചിറ കിഴക്കുകര വീട്ടിൽ ശ്രീധരന്റെ വീട്ടിലാണ് പത്തോളം വരുന്ന സംഘം അക്രമം നടത്തിയത്. വ്യാഴാഴ്ച രാത്രി 9.30ഓടെയായിരുന്നു സംഭവം. ശ്രീധരന്റെ മകൻ ബിനുവിനെ സംഘം മർദ്ദിക്കുകയും വീടിനും വീട്ടുപകരണങ്ങൾക്കും കേടു വരുത്തുകയുമായിരുന്നു. മാരാകയുധങ്ങളുമായി എത്തിയാണ് ആക്രമണം നടത്തിയതെന്ന് വീട്ടുകാർ നൽകിയ പരാതിയിൽ പറയുന്നു.പൊലീസ് കേസെടുത്തു.കുടുംബ പ്രശ്നങ്ങളാണ് ആക്രമണത്തിന് പിന്നിലെന്ന് കാട്ടാക്കട പൊലീസ് അറിയിച്ചു.