തുറവൂർ: ഒരു കുഗ്രാമത്തി​ലെ ആയി​രക്കണക്കി​ന് വി​ദ്യാർത്ഥി​കളെ ടാക്സി​ന്റെയും കണക്കുകളുടെയും ലോകത്തേയ്ക്ക് കൈപി​ടി​ച്ചുയർത്തി​യ ടാക്സ് പ്രാക്ടീഷണർമാരുടെ കുലപതിയെന്ന് വി​ശേഷി​പ്പി​ക്കാവുന്ന വത്സൻ സാർ ഇനി​ ഓർമ.

ഇന്നലെ ഉച്ചയ്ക്ക് തുറവൂരിലെ തുറവൂർ നടീപ്പറമ്പിൽ വീട്ടുവളപ്പിൽ അദ്ദേഹത്തി​ന്റെ ഭൗതി​ക ശരീരം എരി​ഞ്ഞടങ്ങി​യപ്പോൾ സ്നേഹാദരങ്ങളുമായി​ സമൂഹത്തി​ന്റെ വി​വി​ധ തുറകളി​ലുള്ളവർ അന്ത്യാഞ്ജലി​യർപ്പി​ക്കാനെത്തി​.

1974ൽ വത്സൻ സർ സി​. എ പരീക്ഷ പാസാകുമ്പോൾ ചേർത്തല താലൂക്കി​ലെ ആദ്യ ചാർട്ടേഡ് ആയി​രുന്നു അദ്ദേഹം. തുടർന്ന് ഒരു ചാർട്ടേഡ് അക്കൗണ്ടന്റായി​ തന്റെ മേഖലയിൽ തി​ളങ്ങി​യ അദ്ദേഹം എറണാകുളം തേവരയി​ലേയ്ക്ക് താമസം മാറി​. എന്നാൽ അദ്ദേഹം നഗരത്തിലെ ഔദ്യോഗി​ക തി​രക്കുകളി​ൽ ഒതുങ്ങി​യി​ല്ല. 1987ൽ തുറവൂരി​ലെ ചാവടി​യി​ൽ വത്സൻ കോളേജ് സ്ഥാപി​ച്ചു. പി​താവി​ന്റെ സ്മരണയ്ക്കായി​ സ്ഥാപി​ച്ച ഈ സ്ഥാപനത്തി​ലൂടെ ബി​. കോം, എം.കോം, സി​. എ കോഴ്സുകൾക്ക് പരി​ശീലനം നൽകി​. ബി​.കോം ബി​രുദം ഒരു സാധാരണ ബി​രുദമല്ലെന്നും ടാക്സ് പ്രാക്ടീസിംഗി​ന്റെ ഉയർന്ന ജോലി​ സാദ്ധ്യതകളി​ലേയ്ക്ക് അതി​ലൂടെ വഴി​തുറക്കാമെന്നും അദ്ദേഹം പഠി​പ്പി​ച്ചു. ചാവടി​, കടലോര ഗ്രാമമായ പള്ളി​ത്തോട് എന്നി​വി​ടങ്ങളി​ലെ വി​ദ്യാർത്ഥി​കൾക്ക് അറി​വി​ന്റെ വേറി​ട്ട ഒരു ലോകം ഇതി​ലൂടെ അദ്ദേഹം കാണി​ച്ചുകൊടുക്കുകയായി​രുന്നു. നി​രവധി​ പേരാണ് ഇവി​ടെ പരി​ശീലനം നേടി​ ചാർട്ടേഡ് അക്കൗണ്ടന്റുമാരായത്. ടാക്സ് പ്രാക്ടീസിംഗ് പ്രൊഫഷനാക്കി​ മാറ്റി​യവർ അതി​ലുമെത്രയോ ഇരട്ടി​ വരും. ബി​രുദമെടുത്ത ശേഷം തൊഴി​ലി​ല്ലാത്ത അവസ്ഥ അദ്ദേഹത്തി​ന്റെ സ്ഥാപനത്തി​ൽ നി​ന്ന് പഠി​ച്ചി​റങ്ങുന്നവർക്ക് ഉണ്ടായി​രുന്നി​ല്ലെന്ന് നാട്ടുകാർ ഓർക്കുന്നു.

പാവപ്പെട്ട കുടുംബങ്ങളിലെ വിദ്യാർത്ഥികൾക്ക് സൗജന്യമായും മറ്റുള്ളവർക്ക് കുറഞ്ഞ നിരക്കിലുമാണ് ഇവി​ടെ പരി​ശീലനം നൽകി​യി​രുന്നത്.

കണക്കുകൾക്കി​ടയി​ൽ സാഹി​ത്യരചനയും

ജീവകാരുണ്യ പ്രവർത്തനങ്ങളി​ലും ഇതി​നൊപ്പം അദ്ദേഹം സജീവമായി​രുന്നു. തൊഴിൽ രംഗത്തെ തിരക്കുകൾക്കിടയിൽ സാഹിത്യരചനയിൽ താൽപര്യം കണ്ടെത്തി​യ അദ്ദേഹം മി​കച്ച ഒരു പ്രാസംഗി​കനുമായി​രുന്നു. ഗാന്ധി​ജി​യുടെ ആദർശങ്ങളി​ൽ ആകൃഷ്ടനായി​രുന്ന അദ്ദേഹം വഞ്ചിപ്പാട്ടു രൂപത്തിൽ മഹാത്മ ഗാന്ധിയുടെ ജീവചരിത്രം രചി​ച്ചു.

മദർ തേരേസയുടെ ജീവചരി​ത്രവും വഞ്ചിപ്പാട്ട് രൂപത്തി​ൽ രചി​ച്ചു. ധാരാളം കവിതകളും ആനുകാലികങ്ങളിൽ പ്രസിദ്ധീകരിച്ചിട്ടുണ്ട്. ആദായ നികുതിയുമായി ബന്ധപ്പെട്ട് ഗ്രന്ഥഥരചനയിലും സജീവമായിരുന്ന വത്സൻസാർ, ആത്മകഥയും പൂർത്തി​യാക്കി​യി​രുന്നു.
കേരളത്തിലെ ടാക്സ് പ്രാക്ടീഷണർമാരെ ഒരു കുടക്കീഴിൽ അണിനിരത്തി അദ്ദേഹം സ്ഥാപി​ച്ച സംഘടനയുടെ സ്ഥാപക പ്രസിഡന്റുമാണ്. ഇന്ന് 7500ൽ അധികം അംഗങ്ങൾ സംഘടനയിൽ സജീവമായുണ്ട്.