ആലപ്പുഴ: മകളെ ഭർത്താവിന്റെ വീട്ടിൽ നിന്ന് കാണാതായെന്ന പരാതിയുമായി മണ്ണഞ്ചേരി പൊലീസ് സ്റ്റേഷനിലെത്തിയ മാതാവിനെ ഭീഷണിപ്പെടുത്തിയെന്ന പരാതിയിൽ മണ്ണഞ്ചേരി സ്റ്റേഷൻ ഹൗസ് ഓഫീസർ നേരിട്ട് ഹാജരാവാൻ മനുഷ്യാവകാശ കമ്മിഷൻ നിർദ്ദേശം.
മാരാരിക്കുളം പൊള്ളേത്തൈ സ്വദേശിനി സരസമ്മ സമർപ്പിച്ച പരാതിയിയുടെ അടിസ്ഥാനത്തിൽ കമ്മിഷൻ ജുഡിഷ്യൽ അംഗം പി. മോഹനദാസ് ആണ്നിർദ്ദേശം നൽകിയത്. സരസമ്മയുടെ മകളെ ഭർത്താവായ ആര്യങ്കര സ്വദേശി സതീഷ് ബാബുവിന്റെ വീട്ടിൽ നിന്നാണ് ജനുവരി 27 മുതൽ കാണാതായത്. ഇവർക്ക് 12 വയസ്സുള്ള ഒരു മകളുണ്ട്.ഒന്നരവർഷം മുമ്പ് മകൾ ഭർത്താവിന്റെ വീട്ടിൽ ആത്മഹത്യക്ക് ശ്രമിച്ചതായും പരാതിയിൽ പറയുന്നു.
സ്റ്റേഷനിൽ ചെന്നപ്പോൾ പരാതിയിൽ ഉറച്ചു നിൽക്കരുതെന്ന് മണ്ണഞ്ചേരി എസ്.
എച്ച് .ഒ ഭീഷണിപ്പെടുത്തിയതായി സരസമ്മ പറയുന്നു.
ജില്ലാ പൊലീസ് മേധാവി പരാതിയെ കുറിച്ച് വിശദമായ അന്വേഷണം നടത്തി
30 ദിവസത്തിനകം റിപ്പോർട്ട് സമർപ്പിക്കണമെന്ന് കമ്മിഷൻ ആവശ്യപ്പെട്ടു.