ചേർത്തല:സി.പി.എം മുൻ ജില്ലാ കമ്മി​റ്റിയംഗം വെട്ടയ്ക്കൽ കണ്ണുതറയിൽ കെ.കെ.വിശ്വംഭരൻ(84) നിര്യാതനായി.പരേതരായ കൃഷ്ണന്റെയും ദേവകിയുടെയും മകനാണ്. അവിഭക്ത കമ്യൂണിസ്​റ്റ് പാർട്ടിയിലൂടെ പൊതു പ്രവർത്തനം തുടങ്ങിയ വിശ്വംഭരൻ സി.പി.എം രൂപീകരിച്ചപ്പോൾ പട്ടണക്കാട് ലോക്കൽ കമ്മി​റ്റി സെക്രട്ടറിയായും എരിയ കമ്മിറ്റി അംഗമായും പ്രവർത്തിച്ചു.തുടർന്ന് പാർടി ഏരിയാ ആക്ടിംഗ് സെക്രട്ടറിയായി.21 വർഷം പട്ടണക്കാട് പഞ്ചായത്തംഗവും 5 വർഷം ജില്ലാ പഞ്ചായത്തംഗവും കൺസ്യൂമർ ഫെഡ് ഡയറക്ടർ ബോർഡംഗവുമായിരുന്നു. മികച്ച സഹകാരിയായിരുന്ന ഇദ്ദേഹം കാൽ നൂ​റ്റാണ്ടു കാലം വെട്ടയ്ക്കൽ സർവീസ് സഹകരണ ബാങ്ക് പ്രസിഡന്റുമായി. ഹെഡ് ലോഡ് ആൻഡ് ജനറൽ വർക്കേഴ്‌സ് യൂണിയൻ താലൂക്ക് പ്രസിഡന്റായും പ്രവർത്തിച്ചു.ഭാര്യ:സുഭാഷിണി. മക്കൾ:കെ.വി.ചാംസിലാൽ,കെ.വി.സാജൻ,സാലിമോൾ.മരുമക്കൾ: ബിന്ദു,ഡാനിയമോൾ,സോബു.സി.പി.എം ജില്ലാ സെക്രട്ടറി ആർ. നാസർ,സംസ്ഥാന കമ്മി​റ്റി അംഗം സി.ബി.ചന്ദ്രബാബു എന്നിവർ ചേർന്ന് രക്തപതാക പുതപ്പിച്ചു.സി.പി.ഐ സംസ്ഥാന കൗൺസിൽ അംഗം എം.കെ.ഉത്തമൻ,മത്സ്യ ഫെഡ് ചെയർമാൻ പി.പി.ചിത്തരഞ്ജൻ,സംസ്ഥാന മാരിടൈം ബോർഡ് ചെയർമാൻ വി.ജെ.മാത്യു,കയർ മെഷിനറി കമ്പനി ചെയർമാൻ കെ.പ്രസാദ് എന്നിവർ അന്തിമോപചാരം അർപ്പിച്ചു.