ആലപ്പുഴ: വേമ്പനാട് കായലിലെ മത്സ്യങ്ങൾക്ക് പ്രജനനത്തിന് സ്വാഭാവിക ആവാസവ്യവസ്ഥ ഒരുക്കുന്നതിനും മണ്ണൊലിപ്പിൽ നിന്നും അനധികൃത കൈയ്യേ​റ്റങ്ങളിൽ നിന്നും കായൽത്തീരത്തെ സംരക്ഷിക്കുന്നതിനും വിഭാവനം ചെയ്തിട്ടുള്ള കണ്ടൽ നടീൽ പദ്ധതിക്ക് തുടക്കമായി.

ഹാച്ചറിയിൽ ഉത്പാദിപ്പിച്ച കണ്ടൽ തൈകൾ കായലിന്റെ തീരങ്ങളിൽ അനുയോജ്യമായ സ്ഥലങ്ങൾ കണ്ടുപിടിച്ചാണ് നടുന്നത്. ഫിഷറീസ് വകുപ്പിന്റെയും തണ്ണീർമുക്കം പഞ്ചായത്തിന്റേയും മേൽനോട്ടത്തിൽ കുടുംബശ്രീ യൂണി​റ്റുകൾ, തൊഴിലുറപ്പ് തൊഴിലാളികൾ, 521ാം നമ്പർ മത്സ്യ സംഘം എന്നിവ വഴിയാണ് പദ്ധതി നടപ്പിലാക്കുന്നത്. ആഴം കുറഞ്ഞ കായൽ തീരങ്ങളിൽ നേരിട്ടും ആഴം കൂടിയ ഇടങ്ങളിൽ മുളംകു​റ്റികളിലും തൈകൾ നടും.

ഉദ്ഘാടനം ഗ്രാമപഞ്ചായത്ത് പ്രസിഡന്റ് അഡ്വ.പി.എസ് ജ്യോതിസ് നിർവ്വഹിച്ചു. വികസകാര്യ സ്​റ്റാന്റിംഗ് കമ്മ​റ്റി ചെയർ പേഴ്സൺ രമാമദനൻ അദ്ധ്യക്ഷത വഹിച്ചു. ഗ്രാമപഞ്ചായത്ത് സ്ഥിരം സമിതി അദ്ധ്യക്ഷൻമാരായ സുധർമ്മസന്തോഷ്, ബിനിത മനോജ്, രേഷ്മരംഗനാഥ്, അംഗങ്ങളായ കെ.ജെ സെബാസ്റ്റ്യൻ, എൻ.വി ഷാജി, സനൽനാഥ്, സാനുസുധീന്ദ്രൻ, സി.ഡി.എസ് പ്രസിഡന്റ് ശ്രീജ ഷിബു, ഫിഷറീസ് ഡെപ്യൂട്ടി ഡയറക്ടർ കെ.സുഹൈർ, അസിസ്​റ്റന്റ് ഡയറക്ടർ രമേഷ് ശശിധരൻ, കെ.വി ചന്ദ്രൻ തുടങ്ങിയവർ സംസാരിച്ചു.