കുട്ട​നാട് : മാമ്പു​ഴ​ക്ക​രി​-​എ​ടത്വാ കനാൽ നവിക​രി​ക്കാൻ അടി​യ​ന്തര നട​പടി സ്വീക​രി​ക്ക​ണ​മെന്ന ആവ​ശ്യ​വു​മായി നാട്ടു​കാർ രംഗ​ത്ത്. പോളയും കട​കലും മാലി​ന്യ​ങ്ങളും കുമി​ഞ്ഞു​കൂടിയ​തി​നെ​ത്തു​ടർന്ന് ദുർഗന്ധ പൂരി​ത​മായ തോട് പ്രദേ​ശത്തെ കുടി​വെ​ള്ള​ക്ഷാമം രൂക്ഷ​മാ​ക്കിയ​തിന് പുറമെ പരി​സ്ഥി​തിക്ക് വൻ വെല്ലു​വി​ളി​ ഉയർകയും ചെയ്യുന്നു. എ.സി കനാ​ലിനെ എടത്വാ ആറു​മായി ബന്ധി​പ്പി​ക്കുന്നതാണ് ഈ നാട്ടുതോട്. വർഷ​ങ്ങൾക്ക് മുമ്പ് ​ച​ര​ക്കു​ക​ളു​മായി കേവു വള്ള​ങ്ങളും കെട്ടു​വ​ള്ള​ങ്ങളും സഞ്ച​രി​ച്ചി​രു​ന്ന​തിന് പുറമേ ജല​ഗ​താ​ഗത വകു​പ്പിന്റെ എടത്വാ- മാമ്പു​ഴ​ക്കരി ബോട്ട് സർവ്വീസും ഇവിടെ നട​ന്നി​രു​ന്നു. എ.സി കനാ​ലിൽ മാമ്പു​ഴ​ക്കരി ജംഗ്ക്ഷ​നിൽ നിന്നും ആരം​ഭിച്ച് മിത്ര​ക്ക​രി, ഊരു​ക്കരി തായ​ങ്കരി തുടങ്ങിയ വിവിധ പ്രദേ​ശ​ങ്ങ​ൾ കടന്നാണ് എടത്വാ ആറിൽ തോടു ചെന്നുചേരുന്നത്. ഒരു സമ​യത്ത് നാട്ടു​കാർ കുളി​ക്കാനും അല​ക്കാ​നു​മുൾപ്പെ​ടെ​യുള്ള ദൈനംദിന ആവ​ശ്യ​ങ്ങൾക്ക് ഈ തോടിനെയാണ് ആശ്രയിച്ചിരുന്നത്. പിന്നീട് തോട് പോളയും കട​കലും കൊണ്ട് മൂട​പ്പെട്ടു. ഇതിന് പുറമെ മാലി​ന്യ​ങ്ങളും കുന്നു​കൂ​ടി​യ​തോടെ കനാൽ നാട്ടു​കാർക്ക് യാതൊ​രു​വി​ധ​ത്തിലും ഉപ​യോ​ഗി​ക്കാൻ കഴി​യാത്ത നില​യിലായി.