കുട്ടനാട്: ലോക​പ്ര​ശസ്ത കൃഷി​ശാ​സ്ത്ര​ജ്ഞൻ ഡോ.എം എസ് സ്വാമി​നാ​ഥന് കാർഷിക സംസ്‌കൃ​തി​യുടെ ബാല​പാ​ഠം പകർന്നു നൽകിയ

മങ്കൊമ്പ് പൊൻവേ​ലി​വാ​ക്കൽ പാടശേ​ഖ​രം വിസ്മൃ​തി​യി​ലേക്ക്. പുളി​ങ്കുന്ന് കൃഷി ഭവന് കീഴി​ലുള്ള പതി​നൊന്ന് ഏക്ക​റി​ലേറെ വരുന്ന പാടത്ത് കൃഷി ഇറ​ക്കാ​താ​യിട്ട് മൂന്നര പതി​റ്റാണ്ടായി.

പുല്ലും കാടും പടർന്നുപിടി​ച്ച​തി​നെ​ത്തു​ടർന്ന് പാമ്പുകളുടെ പ്രധാന വാസ​കേന്ദ്രമായി ഇതു മാറി. തങ്ങ​ളുടെ ജീവന് പോലുംപാടം ഭീഷ​ണി​യാണെന്ന ആക്ഷേ​പ​വു​മായി സമീ​പ​വാ​സി​ക​ളായ അമ്പ​തോളം കുടും​ബ​ങ്ങൾ രംഗ​ത്തെത്തിയി​ട്ടു​ണ്ട്. ഡോ: സ്വാമി​നാ​ഥന്റെ തറ​വാ​ട്ടു​ സ്വത്തായ കൊട്ടാരം കുടും​ബ​ വീടിന് തൊട്ടു​മു​ന്നി​ലായുള്ള ഈ പാട​ശേ​ഖ​രത്ത് 1984 മുത​ലാണ് കൃഷി നട​ക്കാ​താ​യത്. അന്നുണ്ടായ മട​വീ​ഴ്ചയെ​ത്തു​ടർന്നായിരുന്നു കൃഷി ഉപേ​ക്ഷി​ച്ചത്. പാട​ശേ​ഖ​രത്ത് വർഷ​ങ്ങ​ളായി കെട്ടി​ക്കി​ട​ക്കുന്ന മലിന ജലം കാരണം പ്രദേശത്തെ കിണ​റു​ക​ളിലും കുള​ങ്ങ​ളിലും നിന്നു ലഭിക്കുന്ന വെള്ളം ഉപയോഗയോഗ്യമല്ല.

രാത്രി​യാ​യാൽ ഇഴ​ജ​ന്തു​ക്ക​ളുടെയും മറ്റും ശല്യം രൂക്ഷ​മാ​യ​തി​നാൽ നാട്ടുകാർ പുറ​ത്തി​റ​ങ്ങാൻ മടിക്കുകയാണ്. 2012ൽ ജില്ലാ​പ​ഞ്ചാ​യ​ത്തം​ഗ​മായി ഈ ഡിവി​ഷനിൽ നിന്നും വിജ​യിച്ച യു പ്രതിഭയുടെ നേതൃ​ത്വ​ത്തിൽ ഇവിടെ കൃഷി വീണ്ടെ​ടു​ക്കാ​നുള്ള ചില ശ്രമ​ങ്ങൾ നട​ത്തിയെങ്കിലും പിന്നീട് അത് വിജ​യി​ച്ചില്ല. ഈ പാട​ശേ​ഖ​രത്തിന്റെ ഉട​മ​സ്ഥാ​വ​കാശം മങ്കൊമ്പ് കൊള​ങ്ങര ഇല്ലത്തിലെ ഏതാനും അംഗ​ങ്ങ​ളുടെ കൈവശ​മാണ്.