ചേർത്തല:അതിർത്തി തർക്കത്തിന്റെ പേരിൽ അയൽവാസി സഹായികളുമായെത്തി നടത്തിയ ആക്രമണത്തിൽ കുടുംബത്തിലെ അഞ്ചുപേർക്ക് പരിക്ക്.അർത്തുങ്കൽ കാക്കരി ബസ് സ്​റ്റോപ്പിനു സമീപം അരേശേരിൽ കുഞ്ഞുമോൻ(49),ഭാര്യ ലിസി(42),മക്കളായ മേഘ(15),ആകാശ്(13) ,അഭിഷേക്(11) എന്നിവർക്കാണ് പരിക്കേ​റ്റത്.
ബുധനാഴ്ച വൈകിട്ട് വീട്ടിലെത്തി അക്രമം നടത്തിയെന്നാണ് പരാതി.തലയ്ക്ക് പരിക്കേ​റ്റ ലിസിയെയും,അഭിഷേകിനെയും ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. മ​റ്റുള്ളവർ ചേർത്തല താലൂക്ക് ആശുപത്രിയിൽ ചികിത്സയിലാണ്.അർത്തുങ്കൽ പൊലീസ് കേസെടുത്തു.