ഹരിപ്പാട്: മണ്ണാറശാല യു.പി.സ്കൂളിലെ വാർഷിക കായികമേളയിൽ ആവേശത്തോടെ പങ്കെടുത്ത് വിദ്യാർത്ഥികൾ. കായികമേളയ്ക്ക് മുന്നോടിയായി സ്കൂൾ കായിക ലീഡർ ജോജോ ദീപശിഖയേന്തി നയിച്ച മാർച്ച് പാസ്റ്റ് നടന്നു. വിശിഷ്ടാതിഥികൾ സല്യൂട്ട് സ്വീകരിച്ചു. ഹരിപ്പാട് നഗരസഭ കൗൺസിലർ എസ്.രാധാമണിയമ്മ ദീപ പ്രോജ്ജ്വലനം നടത്തി. തുടർന്ന് പ്രഥമാധ്യാപകൻ എസ്.നാഗദാസ് പതാക ഉയർത്തി. ഹരിപ്പാട് ബ്ലോക്ക് പഞ്ചായത്ത് പ്രസിഡന്റ് ബിജു കൊല്ലശേരി കായികമേള ഉദ്ഘാടനം ചെയ്തു. സ്കൂൾ പി.ടി.എ പ്രസിഡന്റ് പി.വേണു അദ്ധ്യക്ഷത വഹിച്ചു. പി.ടി.എ വൈസ് പ്രസിഡന്റ് പ്രേം ജി.കൃഷ്ണ,അധ്യാപകൻ എൻ.ജയദേവൻ, സ്റ്റാഫ് സെക്രട്ടറി ആര്യൻ നമ്പൂതിരി തുടങ്ങിയവർ സംസാരിച്ചു. പ്രഥമാധ്യാപകൻ എസ്.നാഗദാസ് സ്വാഗതവും കായിക അധ്യാപകൻ ഷജിത്ത് ഷാജി നന്ദിയും പറഞ്ഞു. വിജയികൾക്കുള്ള മെഡൽ വിതരണവും നടന്നു.