ചേർത്തല:എസ്.എൻ.ഡി.പി യോഗം ചേർത്തല യൂണിയന്റെ നേതൃത്വത്തിൽ നടന്ന ഏകാത്മകം മെഗാ ഇവന്റിൽ, യൂണിയനിൽ നിന്ന് പങ്കെടുത്ത 49 കുട്ടികളെയും പരിശീലകരേയും ആദരിച്ചു. എസ്.എൻ ട്രസ്റ്റ് ബോർഡ് അംഗം പ്രീതി നടേശൻ ഉദ്ഘാടനവും ആദരിക്കലും നടത്തി.

യൂണിയൻ പ്രസിഡന്റ് കെ.വി.സാബുലാൽ അദ്ധ്യക്ഷത വഹിച്ചു. വൈസ് പ്രസിഡന്റ് അഞ്ജലി രവീന്ദ്രൻ,യോഗം ഡയറക്ടർ ബോർഡ് അംഗങ്ങളായ ബൈജു അറുകുഴി, വി.ശശികുമാർ,അനിൽ ഇന്ദീവരം, പി.അനിയപ്പൻ,കൗൺസിലർമാരായ ബിജുദാസ്,മണിലാൽ എന്നിവർ സംസാരിച്ചു. വനിതാസംഘം കേന്ദ്ര സമിതി സെക്രട്ടറിയും ഇവന്റ് കോ-ഓർഡിനേറ്ററുമായ അഡ്വ.സംഗീത വിശ്വനാഥൻ,യൂണിയൻ കോ-ഓർഡിനേറ്റർ അനിൽ ഇന്ദീവരം എന്നിവരെയും ചടങ്ങിൽ ആദരിച്ചു..യൂണിയൻ സെക്രട്ടറി വി.എൻ.ബാബു സ്വാഗതവും പുതിയതായി തിരഞ്ഞെടുക്കപ്പെട്ട വനിതാസംഘം സെക്രട്ടറി ശോഭിനി നന്ദിയും പറഞ്ഞു.