ചേർത്തല:എസ്.എൻ.ഡി.പി യോഗം തൈക്കൽ സന്മാർഗ ചന്ദ്രോദയം 519-ാം നമ്പർ ശാഖയിലെ കുടുംബ യൂണിറ്റുകളുടെ സംഗമവും വനിതാസംഘം വാർഷികവും നാളെ നടക്കും.രാവിലെ 10ന് തൈക്കൽ ഗവ.എൽ.പി.സ്കൂളിൽ നടക്കുന്ന ചടങ്ങ് യോഗം ഡയറക്ടർ ബോർഡ് അംഗം അനിൽ ഇന്ദീവരം ഉദ്ഘാടനം ചെയ്യും.ശാഖ പ്രസിഡന്റ് എം.പി.നമ്പ്യാർ അദ്ധ്യക്ഷത വഹിക്കും.വനിതാസംഘം വാർഷിക പൊതുയോഗം യൂണിയൻ വനിതാ സംഘം സെക്രട്ടറി ശോഭിനി ഉദ്ഘാടനം ചെയ്യും.ശാഖ വനിതാ സംഘം പ്രസിഡന്റ് ഷീബ മുരളി അദ്ധ്യക്ഷത വഹിക്കും.ഗുരുകുലം വനിതാ സ്വാശ്രയ സംഘം ഒന്നാമത് വാർഷികം യൂണിയൻ സെക്രട്ടറി വി.എൻ.ബാബു ഉദ്ഘാടനം ചെയ്യും.ലീന റോയ് അദ്ധ്യക്ഷയാകും.പി.എം.പുരുഷോത്തമൻ, എസ്.മോഹനൻ,പ്രസന്ന,വി.ജയശ്രീ എന്നിവർ സംസാരിക്കും.