ചേർത്തല:മെഗാശുചീകരണവും അനുബന്ധ പ്രവർത്തനവും നടത്തിയ തണ്ണീർമുക്കം ഗ്രാമപഞ്ചായത്തിന് സംസ്ഥാന ഹരിതകേരളമിഷൻ പുരസ്‌കാരം.ഹരിത കേരള മിഷൻ എക്‌സിക്യൂട്ടീവ് വൈസ് ചെയർപേഴ്‌സൺ ഡോ.ടി.എൻ സീമയിൽ നിന്നും പ്രസിഡന്റ് പി.എസ് ജ്യോതിസ് പുരസ്‌കാരം ഏറ്റുവാങ്ങി.ഹരിതകേരള മിഷൻ ജില്ലാ കോർഡിനേറ്റർ കെ.എസ്. രാജേഷ് അദ്ധ്യക്ഷനായി.പമ്മായത്ത് വൈസ് പ്രസിഡന്റ് രേഷ്മ രംഗനാഥ്,രമാമദനൻ,സുധർമ്മസന്തോഷ്,ബിനിതമനോജ്, കെ.ജെ.സെബാസ്റ്റ്യൻ,സനൽ നാഥ്,സാനുസുധീന്ദ്രൻ,പി.എൻ.സനജ,രമേഷ് ബാബു മെഡിക്കൽ ഓഫീസർ ഡോ.അബിളി എന്നിവരും ചടങ്ങിൽ പങ്കെടുത്തു.അധികൃതർ പഞ്ചായത്തിൽ എത്തിയാണ് അവാർഡുകൾ കൈമാറിയത്.
തണ്ണീർമുക്കം പഞ്ചായത്തിൽ 25000ത്തോളം പേർ പങ്കെടുത്ത മെഗാ ക്ലീനിംഗ് കാമ്പയിൻ സംസ്ഥാനത്തിനാകെ മാതൃകയായിരുന്നു. ശുചീകരണത്തിൽ 150 ടണ്ണോളം പ്ലാസ്റ്റിക്കാണ് സംഭരിച്ച് നീക്കിയത്.ശുചീകരണത്തിനൊപ്പം ബദൽ സംവിധാനവും ഒരുക്കി.ശുചിയാക്കിയ വീടുകളിൽ പച്ചക്കറിതൈകളും നട്ടുനൽകുന്ന ഹരിതം പദ്ധതിയും കദളീവനം പദ്ധതിയും കതിർമണി പദ്ധതിയും നടപ്പിലാക്കുന്നതിനോടൊപ്പം സംസ്ഥാന ഹതിരകേരള മിഷന്റെ ഇനി ഞാൻ ഒഴുകട്ടെ എന്ന പദ്ധതി പ്രകാരം ഇരുപത്തിരണ്ട് തോടുകളാണ് ശുചിയാക്കിയത്.