മാവേലിക്കര: സി.പി.ഐ മാവേലിക്കര മണ്ഡലം കമ്മിറ്റിയുടെ ആഭിമുഖ്യത്തിൽ ഗോവിന്ദപൻസാരെ രക്തസാക്ഷിദിനാചരണവും മതനിരപേക്ഷ സംഗമവും നടത്തി. സാഹിത്യകാരൻ ഇഞ്ചക്കാട് ബാലചന്ദ്രൻ ഉദ്ഘാടനം നിർവഹിച്ചു. സി.പി.ഐ മണ്ഡലം കമ്മിറ്റി സെക്രട്ടറിയേറ്റംഗം കെ.രാജേഷ് അദ്ധ്യക്ഷനായി. കവയിത്രി കണിമോൾ, പച്ചക്കുരുപ്പുകൾ നാടകസമിതി ഡയറക്ടർ ജെ.ഷൈലജ എന്നിവർ പ്രഭാഷണം നടത്തി. ജില്ലാ കമ്മിറ്റി എക്സിക്യൂട്ടിവ് അംഗങ്ങളായ അഡ്വ.എസ്.സോളമൻ, അഡ്വ.കെ.അശോക് കുമാർ, മണ്ഡലം സെക്രട്ടറി എം.ഡി.ശ്രീകുമാർ, നന്ദകുമാർ, സതീഷ് ചന്ദ്രബാബു, ബി.അനിൽ, ടി.രവീന്ദ്രൻ എന്നിവർ സംസാരിച്ചു.