ആലപ്പുഴ: കഴിഞ്ഞ നാലുവർഷം കയർ വ്യവസായത്തി​ന് സമഗ്രമായ വി​കസനത്തി​ന്റേതായി​രുന്നുവെന്ന് കേരള കയർ വർക്കേഴ്സ് സെന്റർ നേതാക്കൾ. ചകി​രി​ ലഭ്യത, കയർ ഉത്പാദനം എന്നി​വയി​ൽ ശ്രദ്ധേയമായ നേട്ടം കൈവരി​ക്കാൻ കഴി​ഞ്ഞുവെന്ന് ഇവർ പറയുന്നു. അതേസമയം പരമ്പരാഗത കയർത്തൊഴി​ലാളി​കൾക്ക് ജോലി​യും കൂലി​യും പെൻഷനും ഇല്ലാത്ത അവസ്ഥയാണെന്ന് എ. ഐ. ടി​യു.സി​ നേതൃത്വത്തി​ലുള്ളകയർത്തൊഴി​ലാളി​ ഫെഡറേഷൻ ആരോപി​ക്കുന്നു.

ചകിരി ദൗർലഭ്യം ഇല്ലാതാക്കാൻ...

135

135 ഡീഫൈബറിംഗ് മില്ലുകൾ

200

അടുത്ത മാസം 31ന് മുമ്പ് 200മില്ലുകൾ പൂർത്തീകരിക്കും

400

അടുത്തവർഷം 400മില്ലുകൾ തുടങ്ങാനാണ് പദ്ധതി

ചകിരി ലഭ്യത സംസ്ഥാനത്ത് ....

46

ഇപ്പോൾ കയർഫെഡ് ശേഖരിക്കുന്ന ചകിരിയുടെ 46ശതമാനവും സംസ്ഥാനത്ത് നിന്ന്

11

2016നു മുമ്പ് സംസ്ഥാനത്തു നിന്ന് ലഭി​ച്ചത് 11ശതമാനം ചകിരി മാത്രം

കയർ ഉത്പാദനത്തി​ൽ ഉയർച്ച

30

കയർ ഉത്പാദനത്തിൽ കഴിഞ്ഞ നാലു വർഷങ്ങളിൽ മുപ്പതു ശതമാനം വർദ്ധനയുണ്ടായെന്ന് കണക്കുകൾ

119

കയർകേരളയിൽ 119കോടിയുടെ കയർഭൂവസ്ത്രത്തിന്റെ ഓർഡർ തദേശ സ്വയംഭരണ സ്ഥാപനങ്ങളിൽ നിന്ന് ലഭിച്ചു

കയർ ഉത്പാദനം

2017-18: 1,45,000 ക്വിന്റൽ

2019-20 :രണ്ട് ലക്ഷം ക്വിന്റൽ

2020-21: ലക്ഷ്യമിടുന്നത് 4ലക്ഷം ക്വിന്റൽ

സർക്കാർ മുതൽമുടക്ക്

2015-16ൽ ക്ഷേമപ്രവർത്തനങ്ങളടക്കം 68.29കോടി രൂപയായിരുന്നു സർക്കാർ കയർമേഖലയ്ക്ക് നൽകിയത്. 2018-19ൽ ഇത് 131.43കോടിയായി വർദ്ധിപ്പിച്ചു. ഇത്തവണ ബഡ്ജറ്റിൽ 112കോടിയും ഇതിന് പുറമേ 130കോടിയുടെ എൻ.സി.ഡി.സി സഹായവും പ്രഖ്യാപിച്ചു. ചെറുകിടക്കാരുടെ റിമോട്ട് സ്കീം കടബാദ്ധ്യത തീർക്കാൻ തുക വകയിരുത്തി. വൈദ്യുതി കുടിശ്ശിക, സംഘങ്ങളുടെ ക്യാഷ് ക്രെഡിറ്റ്, കടം എന്നിവ തീർക്കാനുമായി 25കോടി ഉൾപ്പെടുത്തി.

2018-19ലെ കയറ്റുമതി (കോടിയിൽ)

കൈത്തറി ഉത്പന്നങ്ങൾ-48

ടഫ്റ്റഡ് മാറ്റുകൾ-75

ചകിരിച്ചോർ-59

മറ്റ് ഉത്പന്നങ്ങൾ-32

ജിയോ ടെക്സ്റ്റയിൽസ്-119

മാർക്കറ്റ് വികസിപ്പിക്കൽ

അടുത്ത സാമ്പത്തിക വർഷം അവസാനിക്കുമ്പോൾ രാജ്യത്തെ 1000കടകളിൽ കയർ ഉത്പന്നങ്ങളുടെ ഡിസ്‌പ‌്‌ളേ അലമാരകൾ സ്ഥാപിക്കും. വിപണന സാദ്ധ്യത കണക്കിലെടുത്ത് കൂടുതൽ ഉത്പന്നങ്ങൾ നിർമ്മിക്കുന്നതിന് സർക്കാർ നിയന്ത്രണത്തിലുള്ള യന്ത്രനിർമ്മാണ ഫാക്ടറിയിൽ യന്ത്രങ്ങൾ നിർമ്മിച്ചു തുടങ്ങി. 23000ഇലക്ട്രോണിക് റാട്ടുകളും 135ഡിഎഫ് മില്ലുകളും സംഘങ്ങൾക്ക് നൽകി.

 കൂലി വർദ്ധനവ്

സംഘങ്ങൾ നേരിട്ട് തൊഴിലാളികൾക്ക് കൂലി നൽകിയിരുന്ന രീതി എടുത്തുകളഞ്ഞ് തൊഴിലാളിക്ക് നേരിട്ട് കൂലി ലഭിക്കുന്നതിനുള്ള നടപടി എടുത്തു.300രൂപയിൽ നിന്ന് 350രൂപയായി വർദ്ധിപ്പിച്ചു.

 സഹകരണസംഘങ്ങൾ

കയർ മേഖലയിൽ പ്രവർത്തിക്കുന്ന സഹകരണ സംഘങ്ങൾക്ക് പശ്ചാത്തല വികസനത്തിന് 31.67കോടി രൂപ നീക്കിവച്ചു. എൻ.സി.ഡി.സി വഴി 110കോടി ചെലവഴിച്ചു. മൂലധന ലഭ്യത ഉറപ്പാക്കാൻ കയർഫെഡിന് 111.02കോടി രൂപ നൽകി. ജീവനക്കാരുടെ പെൻഷൻ ബോർഡിലേക്ക് 5കോടി രൂപ നൽകി. പ്രവർത്തന മികവിന് സെക്രട്ടറിമാർക്ക് 5000രൂപ വീതം ശമ്പളത്തിന് ഗ്രാന്റ് സർക്കാർ നൽകുന്നു.