പനങ്ങാട്: മഹാഗുരുവി​ന്റെ കൈയി​ൽ നിന്നും മുന്തിരിയും കൽക്കണ്ടവും,പഴവുംനേരി​ൽ വാങ്ങിയതി​ന്റെ പുണ്യം ജീവി​തം മുഴുവൻ വലി​യ ഭാഗ്യമായതി​ന്റെ നി​ർവൃതി​യി​ലാണ് 95കാരനായപനങ്ങാട് മാടവനമട്ടമ്മൽ എം.എ.കമലാക്ഷൻ വൈദ്യർ.

.സാമൂഹി​ക അസമത്വംഅടക്കിവാണിരുന്ന കാലഘട്ടം ഇന്നും വൈദ്യരുടെ മനസി​ൽ നന്നായി​ തെളി​യുന്നു. അന്ന് തേവരയിൽ താമസിച്ചിരുന്ന അദ്ദേഹത്തി​ന് തൃപ്പൂണിത്തുറ സംസ്കൃത കോളേജിലെത്താൻ തേവരകടത്ത്,കോന്തുരുത്തികടത്ത്, നെട്ടൂർകടത്ത് എന്നീമൂന്ന്പുഴകൾ കടക്കണം. നെട്ടൂരിൽഎത്തുമ്പോൾ ഉയർന്ന ജാതിക്കാരെ കണ്ടാൽ വഴിമാറണം.തൃപ്പൂണിത്തുറയിലെ ഇരുമ്പ് പാലത്തിലൂടെ കോളേജിൽ എളുപ്പത്തിലെത്താമെങ്കിലും പിന്നാക്കവിഭാഗക്കാർക്ക് പ്രവേശനം അനുവദിച്ചിരുന്നില്ല. അയിനിത്തോടിന്റെ ഓരത്തിലൂടെയുളളചിറയിലെ ഇടുങ്ങിയ നാട്ടു വഴിയിലൂടെചുറ്റിക്കറങ്ങി നടന്നാണ് കോളേജി​ൽ എത്തുക.സംസ്കൃതം പഠിക്കാൻ പിന്നാക്കക്കാർക്ക് അവകാശം നൽകിയതിന് ശേഷമുള്ള രണ്ടാമത്തെ ബാച്ചിലാണ് പഠിച്ചത്. .

അന്ന് വിദ്യാർത്ഥികൾക്ക് ഷർട്ട് ധരിച്ച് ക്ളാസി​ലിരിക്കാൻ അനുവാദമില്ല..1941ൽ രാമവർമ്മമഹാരാജാവ് ഈ ആചാരം നിർത്തലാക്കി​. ജാതിവ്യത്യാസമില്ലാതെ എല്ലാവർക്കും സംസ്കൃതകോളേജിൽ പ്രവേശനം അനുവദിച്ചു. വൈദ്യഭൂഷണം പാസായാണ് കമലാക്ഷൻ 1953ൽ കലാലയം വിട്ടത്.മൂന്ന് തവണ മാതൃകാ വിദ്യാർത്ഥിക്കുളള കൊച്ചി മഹാരാജാവിന്റെ പുരസ്കാരംനേടി​.

ദേശീയബോധത്തിന് ദിശനൽകി​യത് കേരളകൗമുദി

1938ൽ എറണാകുളത്ത് സഹോദരൻ അയ്യപ്പന്റെ വീട്ടിൽതിരുവനന്തപുരത്ത് നിന്നെത്തി​യി​രുന്ന കേരളകൗമുദി​യുടെ ഒരുകെട്ട് പത്രമാണ് കൊച്ചിരാജ്യത്ത് ദേശീയബോധത്തിന് ദിശനൽകി​യത് . കമലാക്ഷൻ വൈദ്യർ പറയുന്നു. .കേരളകൗമുദിയുമായി​ അന്ന് തുടങ്ങി​യ ബന്ധം ഇന്നും തുടരുന്നു.

1949ൽതിരുകൊച്ചി സംസ്ഥാനം രൂപംകൊണ്ടപ്പോൾ

സംസ്കൃതകോളേജ് തിരുവനന്തപുരത്തേക്ക് മാറ്റുവാൻസർക്കാർ തീരുമാനിച്ചു. കോളേജിലെ സാഹിത്യസമാജം പ്രസിഡന്റ് കൂടിയായിരുന്ന കമലാക്ഷന്റെ നേതൃത്വത്തിൽ വിദ്യാർത്ഥികൾ കൊച്ചിമഹാരാജാവിനെകണ്ട് സങ്കടം പറഞ്ഞു.മഹാരാജാവ് അന്നത്തെ തിരു-കൊച്ചി ചീഫ് സെക്രട്ടറിയായിരുന്ന കെ.ജി.മേനോനെ ഫോണിൽ വിളിച്ച് തൃപ്പൂണിത്തുറ തീരുമാനം റദ്ദ് ചെയ്യണമെന്നാവശ്യപ്പെട്ടു. തുടർന്ന് തൃപ്പൂണിത്തുറയിൽ തന്നെ കോളേജ് തുടരാൻ ഉത്തരവായി​. മട്ടമ്മൽ അയ്യൻ വൈദ്യർ സ്മാരക ട്രസ്റ്റ് പ്രസിഡന്റ്,മട്ടമ്മൽഫാമിലിഅസോസിയേഷൻപ്രസിഡന്റ്,നെട്ടൂർ-മാടവനശ്രീനാരായണസേവാസംഘംസ്ഥാപക സെക്രട്ടറി, ഇപ്പോൾപ്രസിഡന്റ്, മാടവനനോർത്ത് റസിഡന്റ്സ് അസോസിയേഷൻ രക്ഷാധികാരി, തേവരമട്ടമ്മൽആയുർവേദ വൈദ്യശാലപ്രൊപ്രൈറ്റർ നെട്ടൂർനോർത്ത്, സുബ്രഹ്മണ്യക്ഷേത്രം തേവരമട്ടമ്മൽസുബ്രഹ്മണ്യക്ഷേത്രം നിർമ്മാണകമ്മിറ്റി, പ്രതിഷ്ഠാകമ്മിറ്റി എന്നി​വയുടെ ചെയർമാൻ എന്നി​ നി​ലകളി​ൽപ്രവർത്തി​ക്കുന്നു. പളളുരുത്തി എസ്.ഡി.പി.വൈ.സ്കൂൾ റിട്ടയേർഡ് അദ്ധ്യാപിക മൂലംകുഴിചിറയത്ത്കുടുംബാംഗം രാധയാണ് ഭാര്യ.മക്കൾ:വിനീത,സുനീത,ഡോ.രംജിത്ത് (അബുദാബി)