കോലഞ്ചേരി: കോലഞ്ചേരി സെന്റ് പി​റ്റേഴ്‌സ് കോളജിൽ ദീർഘകാലം ട്രഷററും സെക്രട്ടറിയുമായി സേവനമനുഷ്ഠിച്ച സി.വി ജേക്കബ്ബിനോടുള്ള ആദരസൂചകമായി വോളിബോൾ മത്സരം സംഘടിപ്പിക്കുന്നു. 4,5,6,7 തീയതികളിൽ കോളജ് ഇൻഡോർ സ്റ്റേഡിയത്തിൽ അലുമ്നി, ഫിസിക്കൽ എഡ്യൂക്കേഷൻ ഡിപ്പാർട്ട്‌മെന്റ് എന്നിവരുടെ സംയുക്താഭുമുഖ്യത്തിലാണ് ആൾ കേരള ഇന്റർ കോളജിയേ​റ്റ് പുരുഷ,വനിത ,ഇന്റർ സ്‌കൂൾ ആൺകുട്ടികളുടെയും മത്സരം നടക്കുന്നത് .പുരുഷ വിഭാഗത്തിൽ 11 ടീമുകളും ,വനിതാ വിഭാഗം 4 ടീമുകളും, ഇന്റർ സ്‌കൂൾ ആൺകുട്ടികളുടെ 6 ടീമുകളും പങ്കെടുക്കും. 5ന് രാവിലെ 9.30ന് കസ്റ്റംസ് അസിസ്റ്റൻഡ് കമ്മീഷണറും ഇന്ത്യൻ വോളിബോൾ ടീമിന്റെ മുൻ നായകനുമായ വി.എ.മൊയ്തീൻ നൈന ഉദ്ഘാടനം ചെയ്യും .