നെടുമ്പാശേരി: എസ്.എൻ.ഡി.പി യോഗം മേയ്ക്കാട് ശാഖ വാർഷികവും വനിതാസംഘം, യൂത്തുമൂവ്‌മെന്റ് വാർഷികവും നടന്നു. ശാഖാ വാർഷികം യൂണിയൻ പ്രസിഡന്റ് വി. സന്തോഷ്ബാബു ഉദ്ഘാടനം ചെയ്തു. യൂണിയൻ സെക്രട്ടറി എ.എൻ. രാമചന്ദ്രൻ അദ്ധ്യക്ഷത വഹിച്ചു. യോഗം അസി. സെക്രട്ടറി കെ.എസ്. സ്വാമിനാഥൻ, വൈസ് പ്രസിഡന്റ് പി.ആർ. നിർമ്മൽകുമാർ, മേഖലാ കൺവീനർ വി.എ. ചന്ദ്രൻ, ശാഖാ പ്രസിഡന്റ് കെ. ജയപ്രകാശ്, സെക്രട്ടറി എം.കെ. ഭാസ്‌കരൻ, വി.എസ്. ജീവകുമാർ, ശാന്ത ഭാസ്‌കരൻ, ഷീജ നളൻ, കെ.ആർ. ഷിബു, എം.ബി. ഷാജു, കെ.എസ്. ചെല്ലപ്പൻ, കെ.ജി. മോഹൻദാസ്, എം. സതീഷ്‌കുമാർ എന്നിവർ സംസാരിച്ചു.
വനിതാസംഘം വാർഷികം ബോർഡ് മെമ്പർ വി.ഡി. രാജൻ ഉദ്ഘാടനം ചെയ്തു. യൂണിയൻ പ്രസിഡന്റ് ലത ഗോപാലകൃഷ്ണൻ അദ്ധ്യക്ഷത വഹിച്ചു. യൂത്തുമൂവ്‌മെന്റ് വാർഷിക യോഗത്തിൽ യൂണിയൻ പ്രസിഡന്റ് അമ്പാടി ചെങ്ങമനാട് അദ്ധ്യക്ഷത വഹിച്ചു.