കൂത്താട്ടുകുളം ഹയർ സെക്കൻഡറി സ്കൂളിൽ സ്‌പെയ്‌സ് മുളന്തുരുത്തിയുടെയും മുത്തൂറ്റ് എം. ജോർജ് ഗ്രൂപ്പിന്റെയും സ്‌ക്കൂൾ അദ്ധ്യാപക രക്ഷാകർത്തൃ സംഘടനയുടെയും സംയുക്താഭിമുഖ്യത്തിൽ പത്താം ക്ലാസ് വിദ്യാർത്ഥികൾക്കായി പരീക്ഷാപഠന പരിശീലന ക്ലാസെടുത്തു. പി.ടി.എ. പ്രസിഡന്റ് പി. ബി. സാജുവിന്റെ അദ്ധ്യക്ഷതയിൽ ചേർന്ന സമ്മേളനത്തിൽ മുനിസിപ്പൽ ചെർമാൻ റോയി എബ്രഹാം ക്ലാസ് ഉദ്ഘാടനം ചെയ്തു. സ്‌പെയ്‌സ് പ്രസിഡന്റ് സി. കെ. പ്രകാശ് (റിട്ട. എ.ഡി.എം.) പദ്ധതി വിശദീകരണം നടത്തി. മുത്തൂറ്റ് എം. ജോർജ് ഗ്രൂപ്പ് പി.ആർ.ഒ. ജോയി ജോസഫ്, സ്‌പെയ്‌സ് സെക്രട്ടറി കൃഷ്ണകുമാർ ഇ. ജി. എന്നിവർ ആശംസകൾ അർപ്പിച്ചു. സ്‌പെയ്‌സ് എക്‌സിക്യൂട്ടീവ് മെമ്പർ റെജി പോൾ പരിശീലകൻ പ്രൊഫ. എലിക്കുളം ജയകുമാറിനെ പരിചയപ്പെടുത്തി. ഹെഡ് മിസ്ട്രസ് എം. ഗീതാദേവി സ്വാഗതവും പ്രോഗ്രാം കോർഡിനേറ്റർ ശ്യാംലാൽ വി. എസ്. കൃതജ്ഞതയും പറഞ്ഞു. പ്രശസ്ത സേഫ്റ്റ് സ്‌കിൽ ട്രെയിനറും പ്രൊഫ. എലിക്കുളം ജയകുമാർ പരീക്ഷാപഠന പരിശീലനക്ലാസ് നയിച്ചു.ആദ്യമായി പൊതു പരീക്ഷയെ അഭിമുഖീകരിക്കുന്ന വിദ്യാർത്ഥികളുടെ ആത്മവിശ്വാസം വർദ്ധിപ്പിക്കുന്നതിനുള്ള പരിശീലനമാണ് ക്ലാസിലൂടെ നൽകിയത്.