പറവൂർ : വലിയപഴമ്പിള്ളിത്തുരുത്ത് ധർമ്മപോഷിണിസഭ ശ്രീബാല സുബ്രഹ്മണ്യസ്വാമി ക്ഷേത്രത്തിൽ തൈപ്പൂയ മഹോത്സവത്തിന് വടക്കുംപുറം ശശിധരൻ തന്ത്രിയുടേയും മേൽശാന്തി അഴിക്കോട് ഹരി ശാന്തിയുടേയും മുഖ്യകാർമ്മികത്വത്തി​ൽ കൊടിയേറി. പ്രതിഷ്ഠാദിനമായ 4ന് രാവിലെ നാരായണീയ പാരായണം, ഉച്ചയ്ക്ക് അമൃതഭോജനം, രാത്രി ഗാനമേള, 5ന് വൈകിട്ട് ഗാനമേള, 6 ന് സഭവക സ്കൂൾ വാർഷികാഘോഷം, രാത്രി കോമഡി ഉത്സവ്, 7ന് വൈകിട്ട് നൃത്തനൃത്ത്യങ്ങൾ, തൈപ്പൂയ മഹോത്സവദിനമായ 8ന് രാവിലെ കാവടി ഘോഷയാത്ര, വൈകിട്ട് പുഷ്പാഭിഷേകം, ഭസ്മക്കാവടി ഘോഷയാത്ര, വിവിധ കലാപരിപാടികൾ. രാത്രി തായമ്പക, പുലർച്ചെ ആറാട്ട് എഴുന്നള്ളിപ്പി​നും ഗുരുതിക്കും ശേഷം കൊടിയിറങ്ങും.