തോപ്പുംപടി: ഒന്നര അടി ഉയരമുള്ള ചൈനീസ് ബൈക്ക് കാണികൾക്ക് ഹരമായി. കൊച്ചിയിലെ സ്വകാര്യ കമ്പനിയാണ് ബൈക്ക് വിൽപ്പനക്കായി എത്തിച്ചത്.പത്ത് വയസു മുതൽ പതിനഞ്ച് വയസുവരെയുള്ള കുട്ടികൾക്ക് ഓടി​ക്കാം .ഹെൽമെറ്റ് വേണ്ട. ലൈസൻസ് ആർ.സി.ബുക്ക് ഉൾപ്പടെയുള്ള ഒരു രേഖകളും വേണ്ട. 48 സി.സി.യാണ്ശേഷി​. പെട്രോൾ വാഹനമാണെങ്കിലും വണ്ടി സ്റ്റാർട്ട് ചെയ്യണമെങ്കിൽ എൻജി​നിലെ പുളളർ കൈ വെച്ച് വലിക്കണം. ബൈക്കിന്റെ രൂപം മാത്രമല്ല ശബ്ദവും ആകർഷണീയം.കഴിഞ്ഞ ദിവസം തോപ്പുംപടിയിൽ എത്തിയ ബൈക്ക് കാണാൻ ആളുകൾ തി​ങ്ങി​ക്കൂടി​. ചൈനീസ് നിർമ്മിതമായ ബൈക്കിന്റെ രൂപം മനസിലാക്കി പുതിയ രൂപത്തിലുള്ള ബൈക്ക് ഇറക്കാനുള്ള ഒരുക്കത്തിലാണ് കൊച്ചിയിലെ കമ്പനി . കേരളത്തിൽ ആദ്യമായാണ് ഇത്തരമൊരു ബൈക്ക് .

വാഹനം റോഡിലിറക്കാൻ മോട്ടോർ വാഹന വകുപ്പി​ന്റെ അനുമതി ഇല്ല.

ഒഴിഞ്ഞ പറമ്പിലോ വീട്ടുമുറ്റത്തോ മൈതാനത്തോ ഓടിക്കാം

വില 24000 രൂപ