തൃപ്പൂണിത്തുറ:വടക്കൻ മേഖല മഞ്ഞനിക്കര തീർത്ഥയാത്ര തൃപ്പൂണിത്തുറ നടമേൽ മർത്ത മറിയം യാക്കോബായ സുറിയാനി റോയൽ മെട്രോപ്പോലിറ്റൻ പള്ളിയിൽ നിന്ന് ആരംഭിച്ചു. മട്ടാഞ്ചേരി, മാമംഗലം, കളമശ്ശേരി, എറണാകുളം, പൊന്നുരുന്നി, എരൂർ എന്നിവിടങ്ങളിലെ തീർത്ഥാടകരും വൈദീകരും നടമേൽ പള്ളിയിൽ എത്തിയശേഷം യാക്കോബായ സഭയുടെ മെത്രാപ്പോലീത്തൻ ട്രസ്റ്റി ജോസഫ് മോർ ഗ്രീഗോറിയോസ് മെത്രാപ്പോലീത്തയുടെ ആശീർവാദത്തോടെ തീർത്ഥയാത്ര തുടക്കം കുറിച്ചു .മലബാർ, കോഴിക്കോട്, തൃശൂർ, അങ്കമാലി എന്നീ ഭദ്രാസനങ്ങളിലെ പള്ളികളിലെ സ്വീകരണത്തിനു ശേഷം നടമേൽ പള്ളിയിൽ സമർപ്പിച്ച പാത്രിയാർക്കാ പതാക മെത്രാപ്പോലീത്ത തീർത്ഥയാത്ര സംഘം കൺവീനർക്ക് കൈമാറി. കാൽനട തീർത്ഥയാത്ര വെള്ളിയാഴ്ച വൈകീട്ട് മഞ്ഞനിക്കര കബറിങ്കൽ എത്തിച്ചേരും.