തലയോലപ്പറമ്പ് : എസ്.എൻ.ഡി.പി യോഗം അരയങ്കാവ് കീച്ചേരി കുലയ​റ്റിക്കര ശാഖയിലെ ഗുരുദേവ ക്ഷേത്രത്തിലെ 20-ാമത് പ്രതിഷ്ഠാ വാർഷികവും ഗീതാഞ്ജലി കല്യാണമണ്ഡപത്തിന്റെ ഉദ്ഘാടനവും യോഗം ജനറൽ സെക്രട്ടറി വെള്ളാപ്പള്ളിനടേശൻ ഇന്ന് വൈകിട്ട് 6ന് നിർവഹിക്കും. തലയോലപ്പറമ്പ് യൂണിയൻ പ്രസിഡന്റ് ഇ.ഡി. പ്രകാശൻ അദ്ധ്യക്ഷത വഹിക്കും. യൂണിയൻ സെക്രട്ടറി അഡ്വ. എസ്.ഡി. സുരേഷ് ബാബു മുഖ്യപ്രഭാഷണം നടത്തും. ഗ്രാമപഞ്ചായത്ത് പ്രസിഡന്റ് ജലജ മോഹൻ, ജില്ലാ പഞ്ചായത്തംഗം എ.പി. സുഭാഷ്, ബ്ലോക്ക് മെമ്പർ ബിജു മരങ്ങോലിൽ, പി.കെ. മനോജ് കുമാർ, ബിജോയി കുമാർ, സുലഭ സജീവ്, അച്ചു ഗോപി, എം.കെ. മോഹനൻ, സന്തോഷ് മൈകുഴി, അമ്പിളി ബിജു, സജേഷ് കുട്ടപ്പൻ എന്നിവർ പ്രസംഗിക്കും. ശാഖാ പ്രസിഡന്റ് പി.ഡി. മുരളീധരൻ സ്വാഗതവും സെക്രട്ടറി കെ.എൻ. വിശ്വംഭരൻ റിപ്പോർട്ടും അവതരിപ്പിക്കും. നിർമ്മാണ പ്രവർത്തനങ്ങൾക്ക് നേതൃത്വം നൽകിയ സാങ്കേതിക വിദഗ്ദ്ധരെയും മുൻ ഭരണ കർത്താക്കളെയും ജനറൽ സെക്രട്ടറി പൊന്നാട അണിയിക്കും. സമ്മേളനത്തിനു ശേഷം മഹാപ്രസാദമൂട്ടും വിവിധ കലാ പരിപാടികളും ഉണ്ടായിരിക്കും.