കൊല്ലം: അമൃത വിശ്വവിദ്യാപീഠത്തിന്റെ അമൃതപുരി കാമ്പസിൽ സംഘടിപ്പിച്ച വിദ്യുത് 2020 ഫെസ്റ്റ് സമാപിച്ചു. 15 ലക്ഷം രൂപയുടെ സമ്മാനങ്ങൾ കുട്ടികൾ സ്വന്തമാക്കി.

ഡ്രഗ് ഡിസൈൻ ആൻഡ് ഡിസ്‌കവറി ശിൽപശാലയിൽ നിന്നും തിരഞ്ഞെടുത്ത അൽന, ശ്രുതി,സുകൃതി, അശ്വിനി പാലവ് എന്നിവർക്ക്

ഐ.ഐ.ടി മുംബയിൽ നടക്കുന്ന ബയോ സയൻസ് മത്സരത്തിൽ പങ്കെടുക്കാം.

സ്‌കൂൾ കുട്ടികളുടെ പ്രോജക്ടിൽ ലോർഡ്‌സ് പബ്ലിക് സ്‌കൂളിലെ വിദ്യാർത്ഥികളായ അബിദ് അബ്ദുൽ മനാഫും മുഹമ്മദ് ബിലാലും ചേർന്ന് നിർമ്മിച്ച അസ്റ്റുട്ട് ബ്രിഡ്ജിന് ഒന്നാം സമ്മാനം ലഭിച്ചു.

പുതിയകാവ് അമൃത വിദ്യാലയത്തിലെ അഞ്ചാം ക്‌ളാസ് വിദ്യാർഥിയായ തേജസ് ശ്യാംലാലും തലശേരി അമൃത വിദ്യാലത്തിലെ ഗൗതം മോഹൻരാജ്, താരക്ക് സി.എം,അശോക് കുമാർ എന്നിവരും ചേർന്ന് രണ്ടാം സമ്മാനം പങ്കിട്ടു.

ഡാൻസ് മത്സരത്തിൽ പാലക്കാട് എൻ.എസ്.എസ് കോളേജ് അറുപതിനായിരം രൂപയുടെ ഒന്നാം സമ്മാനവും ടീം ബിബോയ്‌സ് രണ്ടാം സമ്മാനവും സെന്റ് തെരേസാസ് മൂന്നാം സമ്മാനവും നേടി.

യുറേക്ക മൊമെന്റ്‌സിൽ തൊടുപുഴ യൂണിവേഴ്‌സിറ്റി കോളേജിൽ നിന്നുള്ള ടോം.എ കറിവേലി പതിനായിരം രൂപയുടെ ഒന്നാം സമ്മാനം കരസ്ഥമാക്കി.

ഹ്യൂമർ അസ് മത്സരത്തിൽ രോഹിത് റോയും മോളിക്യൂലാർ മ്യൂറൽസിൽ ആരതി അനിലും റോഷിണിയും ഒന്നാം സമ്മാനം നേടി. ഷോർട്ട് ഫിലിം മത്സരത്തിൽ അബ്രിൻ കുര്യാക്കോസ് സമ്മാനാർഹനായി.