കോലഞ്ചേരി: വലമ്പൂർ ഗവ. യുപി സ്‌കൂളിലെ വിദ്യാർത്ഥികൾ പേപ്പർ ബാഗുകൾ നിർമ്മിക്കുന്നു. ഒന്നു മുതൽ ഏഴുവരെ ക്ലാസുകളിലെ മുന്നൂറോളം കുട്ടികളാണ് നിർമ്മാണത്തിൽ പങ്കെടുക്കുന്നത്. എല്ലാ കുട്ടികളുടെയും വീട്ടിൽ ബാഗെത്തിക്കുകയാണ് ലക്ഷ്യം. ഹെഡ്മാസ്​റ്റർ ടി പി പത്രോസ്, അദ്ധ്യാപകരായ ഷൈൻ ജോസഫ്, ബിനു വർഗീസ്, ധന്യ മോഹനൻ, ടി.പി ഷഹറുബാൻ, അസ്മിയ മോൾ, രാഖി ബസന്ത്, ടി ശിവ പ്രസാദ്, വി.വിദ്യ എന്നിവർ നേതൃത്വം നൽകി.