മൂവാറ്റുപുഴ: ചൈൽഡ് പ്രൊട്ടക്ട് ടീം കേരള മൂവാറ്റുപുഴ മണ്ഡലം കമ്മിറ്റിയുടെ നേതൃത്വത്തിൽ ദി ഐ ഫൗണ്ടേഷൻ സൂപ്പർ സ്പെഷ്യാലിറ്റി ഹോസ്പിറ്റലിന്റെ സഹകരണത്തോടെ സൗജന്യ നേത്ര പരിശോധനാ ക്യാമ്പ് സംഘടിപ്പിച്ചു. പായിപ്ര ഗവ.യു.പി. സ്കൂളിൽ നടന്ന ക്യാമ്പ് ജില്ലാ പഞ്ചായത്ത് മെമ്പർ എൻ.അരുൺ ഉദ്ഘാടനം ചെയ്തു. വാർഡ് മെമ്പർ പി.എസ്.ഗോപകുമാർ അദ്ധ്യക്ഷത വഹിച്ചു. ചൈൽഡ് പ്രൊട്ടക്ട് ടീം കേരള ജില്ലാ പ്രസിഡന്റ് രാജാജി മാധവ് ,സംസ്ഥാന വനിത ചെയർപേഴ്സൺ പ്രസന്ന സുരേന്ദ്രൻ, വാർഡ് മെമ്പർ നസീമ സുനിൽ പി.ടി.എ. പ്രസിഡൻറ് സിറാജുദ്ദീൻ മൂശാരിമോളം, ഹെഡ്മിസ്ട്രസ് സി.എൻ. കുഞ്ഞുമോൾ, കെ.എം.നൗഫൽ ,പി.എം.നവാസ് , എ.കെ.യൂസഫ് ,ഫാ. ഷിൻറോ ചാലിൽ, നൗഷാദ് സുൽത്താൻ, മിനി വിശ്വൻ,അൻഷാദ് തേനാലി എന്നിവർ സംസാരിച്ചു.