മൂവാറ്റുപുഴ: നഗരത്തിലെ ഗതാഗത കുരുക്കിന് പരിഹാരം കാണാൻ നഗര വികസനവും മൂവാറ്റുപുഴ ബൈപാസ് നിർമ്മാണവും വേഗത്തിലാക്കണമെന്ന് ജോയിന്റ് കൗൺസിൽ മേഖല സമ്മേളനം ആവശ്യപ്പെട്ടു. സമ്മേളനം ജോയിന്റ് കൗൺസിൽ സംസ്ഥാന സെക്രട്ടറിയേറ്റ് അംഗം ബി.അശോക് ഉദ്ഘാടനം ചെയ്തു. മേഖല പ്രസിഡന്റ് അരുൺ പരുത്തപ്പാറ അദ്ധ്യക്ഷത വഹിച്ചു. സംസ്ഥാന സെക്രട്ടറിയേറ്റ് അംഗം ആർ.ബാലൻ ഉണ്ണിത്താൻ, ജില്ലാ പ്രസിഡന്റ് വി.കെ.ജിൻസ്, ട്രഷറർ കെ.കെ.ശ്രീജേഷ്, ജില്ലാ കമ്മിറ്റി അംഗം വി.എം.സുഭാഷ്, വനിത സംസ്ഥാന കമ്മിറ്റി അംഗം സന്ധ്യ രാജി, മേഖല സെക്രട്ടറി എം.എസ്.അനൂപ് കുമാർ, മേഖല ട്രഷറർ സതീഷ് സത്യൻ, മേഖല വൈസ്പ്രസിഡന്റ് ബി.എൻ.രാജീവ് എന്നിവർ സംസാരിച്ചു. ഭാരവാഹികളായി അരുൺ പരുത്തപ്പാറ(പ്രസിഡന്റ്) സന്ധ്യാരാജി, ബേസിൽ വർഗീസ്(വൈസ്പ്രസിഡന്റ്) എം.എസ്.അനൂപ് കുമാർ(സെക്രട്ടറി) ബിജോ ആന്റണി, പി.ടി.ഗിരിജാമോൾ(ജോ. സെക്രട്ടറി) സതീഷ് സത്യൻ(ട്രഷറാർ) എന്നിവരെ തിരഞ്ഞെടുത്തു.