കോലഞ്ചേരി: വടവുകോട് ബ്ലോക്ക് പഞ്ചായത്തിലെ ക്ഷീരകർഷകർക്ക് പാലിന് സബ്‌സിഡി നൽകുന്ന പദ്ധതി തുടങ്ങി. 2019-20 വാർഷികപദ്ധതിയിൽ ഉൾപ്പെടുത്തിയിട്ടുള്ള ക്ഷീരകർഷക പദ്ധതിക്കായി 40 ലക്ഷം രൂപയാണ് നീക്കിവച്ചിട്ടുള്ളത്. ബ്ലോക്ക് പഞ്ചായത്തിന് കീഴിൽ വരുന്ന ആറ് പഞ്ചായത്തുകളിലെയും മിൽമ സൊസൈ​റ്റികളിൽ പാൽ നൽകുന്ന കർഷകർക്കാണ് ആനുകൂല്യം ലഭിക്കുക. പ്രസിഡന്റ് ഗൗരി വേലായുധൻ പദ്ധതി ഉദ്ഘാടനം ചെയ്തു. വൈസ് പ്രസിഡന്റ് ബിനീഷ് പുല്യാട്ടേൽ അദ്ധ്യക്ഷനായി.സ്റ്റാൻഡിംഗ് കമ്മി​റ്റി ചെയർമാന്മാരായ എൻ.എൻ രാജൻ, ലത സോമൻ, ബീന കുര്യാക്കോസ്, മിൽമ മേഖലാ ഡയറക്ടർ ബോർഡ് അംഗം എ.വി ഡയറി എക്‌സ്​റ്റൻഷൻ ഓഫീസർപ്രിയ ജോസഫ്, ബി.ഡി.ഒ ലാൽകുമാർ, അപ്‌കോസ് പ്രസിഡന്റ് വി.എം. ജോർജ് എന്നിവർ പ്രസംഗിച്ചു.