ആലുവ: ശിവരാത്രിയാഘോഷത്തോടനുബന്ധിച്ച് എക്‌സൈസ് സംഘം നടത്തിയ പരിശോധനയിൽ നാലുകിലോ കഞ്ചാവുമായി രണ്ട് യുവാക്കൾ അറസ്റ്റിലായി. മലപ്പുറം തിരൂർ കോട്ടക്കൽ ഇന്ത്യന്നൂർ സ്വദേശികളായ നമ്പൻകൂന്നൻ വീട്ടിൽ മുഹമ്മദ് സുഹൈൽ (21), വടക്കൻവീട്ടിൽ അനീസ്‌മോൻ (23) എന്നിവരാണ് പിടിയിലായത്.
മെട്രോ സ്‌റ്റേഷൻ പരിസരത്ത് വെച്ചായിരുന്നു ഇരുവരെയും കസ്റ്റഡിയിലെടുത്തത്. ഡെപ്യൂട്ടി കമ്മീഷണർ എ.എസ്. രഞ്ജിത്തിന് കിട്ടിയ രഹസ്യവിവരത്തിന്റെ അടിസ്ഥാനത്തിൽ എക്‌സൈസ് സർക്കിൾ ഇൻസ്‌പെക്ടർ സോജൻ സെബാസ്റ്റ്യൻ, പ്രിവന്റീവ് ഓഫീസർമാരായ കെ.എസ്. അനിൽകുമാർ, പി.കെ. ഗോപി, സി.ബി. രഞ്ചു, സിവിൽ എക്‌സൈസ് ഓഫീസർമാരായ എം.എം. അരുൺകുമാർ, ബസന്ത്കുമാർ, അനൂപ്, അഭിലാഷ്, പ്രദീപ്കുമാർ എന്നിവർ
ചേർന്നാണ് പ്രതികളെ പിടികൂടിയത്.