കോതമംഗലം: തട്ടേക്കാട് ശ്രീ മഹാദേവ മഹാവിഷ്ണു ക്ഷേത്രത്തിലെ ഈ വർഷത്തെ ശിവരാത്രി മഹോത്സവം നാളെ (ശനി) ദീപാരാധയ്ക്ക് ശേഷം കൊടിയേറി ഫെബ്രുവരി 21 ന് മഹാശിവരാത്രി ദിവസം വൈകിട്ട് ദീപാരാധനയ്ക്ക് ശേഷം ആറാട്ടോടെ സമാപിക്കും.
ആചാര്യവരണം, പ്രാസാദശുദ്ധി, മഹാഗണപതി ഹോമം കലശാഭിഷേകം, ശ്രീബലി എഴുന്നള്ളിപ്പ്, ദീപാരാധന, പള്ളിവേട്ട, സഹസ്രകുടംധാര തുടങ്ങിയ ചടങ്ങുകളോടും, കുട്ടികളുടെ കലാപാരിപാടികൾ, സോപാനസംഗീതം, നൃത്തനൃത്തങ്ങൾ, നൃത്തസന്ധ്യ, അരുൺ ഗിന്നസ് നയിക്കുന്ന സൂപ്പർ ടാലന്റ് മെഗാഷോ. ആറാട്ടിനു ശേഷം പെരിയാറിന്റെ തീരത്ത് ശിവരാത്രി ബലിതർപ്പണത്തിന് പ്രത്യേക സൗകര്യവും ഉണ്ടായിക്കുന്നതാണ്. ഉത്സവ ചടങ്ങുകൾക്ക് ക്ഷേത്രം തന്ത്രി ബ്രഹ്മശ്രീ. കെ. കെ അനിരുദ്ധൻ തന്ത്രികൾ മൂത്തകുന്നം മുഖ്യകാർമ്മികത്വവും, ക്ഷേത്രം മേൽശാന്തി സി. സി ജിനേഷ് ശാന്തികൾ സഹകാർമ്മികത്വവും വഹിക്കും. ആഘോഷ പരിപാടികൾക്ക് ക്ഷേത്രം ട്രസ്റ്റ് പ്രസിഡന്റ് കെ പി സരേഷ്, സെക്രട്ടറി വി സ് ബിജമോൻ എന്നിവർ നേതൃത്വം വഹിക്കും.