മൂവാറ്റുപുഴ: ബ്ലോക്കിലെ വിവിധ കൃഷി ഭവനുകളുടെ ആഭിമുഖ്യത്തിൽ സംസ്ഥാന കാർഷിക വികസന കർഷക ക്ഷേമ വകുപ്പിന്റെ നമ്മുടെ കൃഷി നമ്മുടെ ആരോഗ്യം ജീവനി പദ്ധതിയുടെ ഭാഗമായി നടത്തുന്ന നിറക്കാഴ്ച 2020 ഇന്ന് നടക്കും. മുനിസിപ്പൽ ടൗൺ ഹാളിൽ രാവിലെ 10ന് നടക്കുന്ന പൊതുസമ്മേളനം എൽദോ എബ്രാഹം എം.എൽ.എ. ഉദ്ഘാടനം ചെയ്യും. നഗരസഭ ചെയർപേഴ്‌സൺ ഉഷ ശശിധരൻ അദ്ധ്യക്ഷത വഹിക്കും.കർഷകർക്ക് നൽകുന്ന ജീവനി പച്ചക്കറി തൈകളുടെ വിതരണോദ്ഘാടനം ജില്ലാ പഞ്ചായത്ത് പ്രസിഡന്റ് ഡോളി കുര്യാക്കോസും സ്കൂൾ വിദ്യാർത്ഥികൾക്കുള്ള പച്ചക്കറി തൈ വിതരണോദ്ഘാടനം ജില്ല പഞ്ചായത്ത് മെമ്പർ എൻ.അരുണും നിർവഹിക്കും .ജനപ്രതിനിധികൾക്കുളള പോഷക തോട്ടത്തിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് ലിസി ജോളി, വൈസ് പ്രസിഡന്റ് സുഭാഷ് കടയ്‌ക്കോട്ടിന് നൽകി കൊണ്ട് നിർവഹിക്കും.ഗ്രാമ പഞ്ചായത്ത് പ്രസിഡന്റുമാർ, ജില്ല, ബ്ലോക്ക് ,ഗ്രാമ പഞ്ചായത്ത്, നഗരസഭ ജനപ്രതിനിധികൾ,കൃഷി വകുപ്പ് ഉദ്യോഗസ്ഥർ എന്നിവർ സംസാരിക്കും. തുടർന്ന് കർഷകരും ഉദ്യോഗസ്ഥരും ചേർന്ന് അവതരിപ്പിക്കുന്ന വിവിധ കലാപരിപ്പാടികളും നടക്കും.വിവിധ കൃഷിഭവനുകളിലെ കർഷകർ, ജനപ്രതിനിധികൾ, വിദ്യാർത്ഥികൾ, വിവിധ കർഷക സമിതികൾ, കർമസേന, അഗ്രോ സർവീസ് സെന്റുറുകൾ, ഉദ്യോഗസ്ഥർ എന്നിവർ നേതൃത്വം നൽകും.