കോലഞ്ചേരി: കോഴിയെ രക്ഷിക്കാനായി കിണ​റ്റിൽ ഇറങ്ങിയ വൃദ്ധനെ പട്ടിമ​റ്റം ഫയർഫോഴ്‌സ് രക്ഷപെടുത്തി. ഇന്നലെ വൈകിട്ട് നാലുമണിക്കാണ് സംഭവം. വെങ്ങോല മേപ്രത്തുപടിക്ക് സമീപം തേക്കമലയിൽ താമസിക്കുന്ന തൊട്ടിപ്പറമ്പിൽ പത്രോസാണ്(72) കിണ​റ്റിൽ അകപ്പെട്ടത്. വീട്ടുകാർ സഹായം തേടിയതോടെ അസിസ്റ്റന്റ് സ്​റ്റേഷൻ ഓഫീസർ കെ.പി മോഹനന്റെ നേതൃത്വത്തിൽ പട്ടിമ​റ്റം ഫയർഫോഴ്‌സ് സ്ഥലത്തെത്തി രക്ഷാപ്രവർത്തനം നടത്തി. 35 അടി ആഴമുള്ള കിണ​റ്റിൽ ആറടിയോളം വെള്ളമുണ്ടായിരുന്നതിനാൽ രക്ഷാ പ്രവർത്തനം ദുഷ്ക്കരമായിരുന്നു. എം ജി ബിജു, ബിബിൻ എ തങ്കപ്പൻ, ജെയിംസ് നോബിൾ, ഉണ്ണികൃഷ്ണൻ എസ്, ബിബി കെ എം, സിജാസ് എ പി, യോഹന്നാൻ എം വി, ജോണി എം വി എന്നിവർ രക്ഷാപ്രവർത്തനത്തിൽ പങ്കാളികളായി.