കാക്കനാട്: വീടുകളിലേക്ക് നേരിട്ട് പാചകവാതകം എത്തിക്കുന്ന സിറ്റി ഗ്യാസ് വിതരണ പദ്ധതി കൂടുതൽ പ്രദേശങ്ങളിലേക്ക് വ്യാപിപ്പിക്കാൻ ജില്ലാ കളക്ടർ എസ്. സുഹാസ് അനുമതി നൽകി. ജില്ലാ കളക്ടറുടെ ചേമ്പറിൽ ചേർന്ന യോഗത്തിൽ തൃപ്പൂണിത്തുറ, ഏലൂർ നഗരസഭകളിൽ പദ്ധതി നടപ്പാക്കുന്നതിനായി പ്രധാന പൈപ്പ് ലൈൻ സ്ഥാപിക്കുന്നതിനുള്ള അനുമതിയാണ് കളക്ടർ നൽകിയത്. തൃക്കാക്കര നഗരസഭയിൽ 7500 ഗാർഹിക കണക്ഷനുകൾക്കുള്ള നടപടികൾ പൂർത്തിയായതായി യോഗത്തിൽ അദാനി ഗ്യാസ് ജില്ലാ ഡെപ്യൂട്ടി ജനറൽ മാനേജർ അജയ് പിള്ള കളക്ടറെ അറിയിച്ചു.

ആദ്യഘട്ടത്തിൽ
തൃപ്പൂണിത്തുറ മുൻസിപ്പാലിറ്റി 10 വാർഡുകൾ 7500 കണക്ഷനുകൾ

ഏലൂർ മുൻസിപ്പാലിറ്റി 6 വാർഡുകൾ 3500 കണക്ഷനുകൾ