കുറുപ്പംപടി: എറണാകുളം ജില്ലാ പഞ്ചായത്ത് അംഗം എൻ.അരുൺ രചനയും സംവിധാനവും നിർവഹിക്കുന്ന ചലച്ചിത്രം അവകാശികളുടെ ചിത്രീകരണം പെരുമ്പാവൂരിൽ ആരംഭിച്ചു. ഇർഷാദ്, ടി.ജി. രവി, ജയരാജ് വാര്യർ , അഞ്ജു അരവിന്ദ്, അനൂപ് ചന്ദ്രൻ, എം.എ. നിഷാദ്, സോഹൻ സീനു ലാൽ, ബേസിൽ പാമ തുടങ്ങിയവർ പ്രധാന വേഷങ്ങളിൽ അഭിനയിക്കുന്നു. മുൻ മുഖ്യമന്ത്രി പി.കെ.വി യുടെ പുല്ലുവഴിയിലുള്ളവസതിയിൽ കേരളാ ഗവൺമെന്റ് ചീഫ് വിപ്പ് കെ.രാജൻ സ്വിച്ച് ഓൺ കർമ്മം നിർവഹിച്ചു. ടെൽക് ചെയർമാൻ എൻ.സി. മോഹനൻ, ഫാമിംഗ് കോർപറേഷൻ ചെയർമാൻ കെ.കെ. അഷറഫ് ചലച്ചിത്ര സംവിധായകൻ എ.ആർ. ബിനുരാജ്, ജില്ലാ പഞ്ചായത്ത് അംഗങ്ങളായ ശാരദ മോഹൻ, ബേസിൽ പോൾ, ലോക കേരളസഭാം ഗം ജോൺസൺ മാമലശ്ശേരി, കെ.പി. റെജിമോൻ തുടങ്ങിയവർ പങ്കെടുത്തു. കേരളത്തിലും അസാമിലുമായി ചിത്രീകരിക്കുന്ന സിനിമ ഏപ്രിലിൽ പ്രദർശനത്തിനെത്തും.