പെരുമ്പാവൂർ: പ്രാദേശിക ലേഖകനായ ജബ്ബാർ വാത്തേലിയെ നി​രവധി​ കേസുകളി​ലെ പ്രതി​ മർദ്ദി​ച്ചവശനാക്കി​. തലയ്ക്കും കവിളിനും പരിക്കേറ്റ ജബ്ബാറിനെ ആശുപത്രിയിൽ പ്രവേശിപ്പിച്ചു.സംഭവവുമായി​ ബന്ധപ്പെട്ട് മുനീർ എന്നയാളെ പൊലീസ് തി​രയുന്നു. ശനിയാഴ്ച്ച രാത്രി ഏഴരയോടെ നെടുന്തോട് ജംഗ്ഷനിൽ വച്ചായിരുന്നു സംഭവം. ജബ്ബാറിന്റെ മൊബൈൽഷോപ്പി​ൽ പണം നൽകാനുള്ളതുമായി​ ബന്ധപ്പെട്ടാണ് പ്രശ്നമുണ്ടായത്. . പെരുമ്പാവൂർ പ്രസ് ക്ളബ്ബ് ജോ. സെക്രട്ടറിയും കേരളാ ജേർണലിസ്റ്റ് കുന്നത്തുനാട് താലൂക്ക് ട്രഷററുമാണ് ജബ്ബാർ വാത്തേലി. സംഭവത്തിൽ പെരുമ്പാവൂർ പ്രസ് ക്ലബ്ബ് പ്രതിഷേധിച്ചു. കേരളാ ജേർണലിസ്റ്റ് യൂണിയനും പ്രതിഷേധി​ച്ചു.