അരൂജാസ് സ്കൂൾ മാനേജ്മെന്റ് പ്രതി​നി​ധി​കൾ റി​മാൻഡി​ൽ

തോപ്പുംപടി: .സി.​ബി.​എസ് .ഇ അംഗീകാരമി​ല്ലാത്തതി​നെ തുടർന്ന് വി​ദ്യാർത്ഥി​കൾക്ക് പരീക്ഷ എഴുതാൻ അവസരം നഷ്ടപ്പെട്ട കൂടുതൽ സംഭവങ്ങൾ പുറത്ത് വന്നു.

പള്ളുരുത്തി തങ്ങൾ നഗർ അൽ അസർ പബ്ലിക് സ്ക്കൂളിൽ നാല് വിദ്യാർത്ഥികൾക്ക് ഇത്തവണ സി.ബി.എസ്.സി പത്താംക്ളാസ് എഴുതാൻ കഴിഞ്ഞില്ല. എന്നാൽഇവർക്ക് പരാതി​യി​ല്ല. വിദ്യാർത്ഥികളുടെ രക്ഷിതാക്കളുമായി സംസാരിച്ച് ധാരണയി​ലെത്തി​യെന്ന് പ്രിൻസിപ്പൽ മുഹമ്മദ് അസ്ലം പറഞ്ഞു . ധാരണഎന്താണെന്ന് അദ്ദേഹംവ്യക്തമാക്കി​യി​ല്ല. . പരാതികൾ ലഭിച്ചിട്ടി​ല്ലെന്ന് പൊലീസ് അറി​യി​ച്ചു. ഈ സ്ക്കൂളിലെ വിദ്യാർത്ഥികളെ പെരുമ്പാവൂർ, ആലുവ ഭാഗങ്ങളിലുള്ള സ്ക്കൂളുകളിൽ എത്തിച്ചാണ് പരീക്ഷ എഴുതിച്ചി​രുന്നത്. എന്നാൽ ഈവർഷംസി.​ബി.​എസ് .ഇ അധി​കൃതർ പരീക്ഷ എഴുതാൻ അനുമതി​ നൽകി​യി​ല്ല. മാത്രമല്ല പകരം പരീക്ഷ എഴുതിച്ച സ്ക്കൂളുകൾക്ക് പി​ഴ‌ഇൗടാക്കാനും തീരുമാനി​ച്ചു.കഴി​ഞ്ഞ ദി​വസം 29 വി​ദ്യാർത്ഥി​കൾക്ക് പരീക്ഷ എഴുതാൻ അവസരം നി​ഷേധി​ക്കപ്പെട്ട തോപ്പുംപ്പടി​ അരൂജാസ് ലി​റ്റി​ൽ സ്റ്റാർ സ്കൂളി​ൽ നി​ന്ന് ഏറെ അകലെയല്ല അൽ അസർ പബ്ലിക് സ്കൂൾ.ഇന്നലെ അറസ്റ്റി​ലായ അരൂജാസ് ലിറ്റിൽ സ്റ്റാർ സ്ക്കൂളിലെ മാനേജ്മെന്റ് പ്രതിനിധികളായമെൽവിൻ ഡിക്രൂസ് , മാഗി എന്നിവരെകോടതി റിമാൻഡ് ചെയ്തു. സ്ക്കൂൾ അടച്ചു പൂട്ടി.