തൊടുപുഴ : പുളിങ്കുന്ന് കാപ്പിൽ ഡോ. സി.പി. ജോസഫ് (88) ഇംഗ്ലണ്ടിൽ നിര്യാതനായി. സംസ്‌ക്കാരം ശനിയാഴ്ച്ച രാവിലെ 11.30ന് ലീക്ക് സെന്റ് മേരീസ് (ഇംഗ്ലണ്ട്) കത്തോലിക്ക പള്ളിയിൽ. ആലപ്പുഴ പുളിങ്കുന്ന് സ്വദേശിയായ ഡോ. സി.പിജോസഫ് ചങ്ങനാശ്ശേരി എസ്.ബികോളേജിൽ നിന്ന് ബിരുദം നേടി. തുടർന്ന് ഓസ്‌ട്രേലിയയിൽ നിന്ന് മെഡിക്കൽ ഡിഗ്രി നേടി. എഡിൻബർഗിൽ നിന്നും ലണ്ടനിൽ നിന്നും എഫ്.ആർ.സി.എസ്. നേടിയ ഡോ.ജോസഫ് യു.കെ.യിൽ നാഷണൽ ഹെൽത് സർവ്വീസിൽ ദീർഘകാലം സേവനം ചെയ്തിട്ടുണ്ട്. ആഫ്രിക്കയിലും കേരളത്തിൽ കട്ടപ്പന സെന്റ് ജോൺസ് ഹോസ്പിറ്റലിലും വാഗമൺ മിഷൻ ഹോസ്പിറ്റലിലും പ്രവർത്തിച്ചിട്ടുണ്ട്. ഇവിടങ്ങളിൽ പ്രതിഫലം വാങ്ങാതെ ജോലി ചെയ്യുകയായിരുന്നു. സഹോദരങ്ങൾ : സി.പി വർഗ്ഗീസ് (കാക്കനാട്), സി.പി. മാത്യു (പാല), പരേതരായ സി.പി. കുരുവിള (പുളിങ്കുന്ന്), ആനിയമ്മ കണ്ടത്തിൽ (വൈക്കം), സിസിലി ഒറ്റപ്ലാക്കൽ (ചങ്ങനാശ്ശേരി), മറിയാമ്മ തേക്കിൻകാട്ടിൽ (ഏറ്റുമാനൂർ), പെണ്ണമ്മ പത്താടൻ (കറുകുറ്റി).