അങ്കമാലി: മലയാളം ഐക്യവേദി ജില്ലാ കമ്മിറ്റിയുടെ നേതൃത്വത്തിൽ ബ്ലോക്ക് പഞ്ചായത്ത് സ്‌കിൽസ് എക്‌സലൻസ് സെന്ററിന്റെയും ബ്ലോക്ക് റൈറ്റേഴ്‌സ് ഫോറത്തിന്റെയും സഹകരണത്തോടെ സംഘടിപ്പിച്ച ലോക മാതൃഭാഷാ വാരാചരണം റോജി.എം.ജോൺ എം.എൽ.എ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് പി.ടി.പോൾ അദ്ധ്യക്ഷത വഹിച്ചു. മലയാള ഐക്യവേദി സംസ്ഥാന കൺവീനർ എ.പി.അശ്വതി പ്രഭാഷണം നടത്തി.
ബ്ലോക്ക് പഞ്ചായത്ത് സ്‌കിൽസ് എക്‌സലൻസ് സെന്റർ കൺവീനർ ടി.എം. വർഗീസ്, ബ്ലോക്ക് പഞ്ചായത്ത് അംഗം ഗ്രേസി റാഫേൽ, മലയാളം ഐക്യവേദി സംസ്ഥാനവൈസ് പ്രസിഡന്റ് എ.എസ്. ഹരിദാസ്, ജില്ലാ സെക്രട്ടറി പി.വി രമേശൻ, ജില്ലാ കൺവീനർ കെ.കെ. സുരേഷ്, കാലടി.എസ് മുരളീധരൻ, എസ്. രുപീമ, എ.എസ്. ഹരിദാസ്, പി.വി റാഫേൽ, എ. സെബാസ്റ്റ്യൻ, കെ.വി.എസ്. സാബു, അബീന പ്രകാശൻ എന്നിവർ പ്രസംഗിച്ചു.