കൊച്ചി: കടവന്ത്ര മട്ടലിൽ ഭഗവതി ക്ഷേത്രത്തിലെ താലപ്പൊലി മഹോത്സവത്തിന്റെ ഭാഗമായുള്ള പകൽപ്പൂരം ഇന്ന് നടക്കും. രാവിലെ കാഴ്ചശ്രീബലിയും കലശാഭിഷേകവുമുണ്ടായിരിക്കും. കടവന്ത്ര രഞ്ജിത്തിന്റെ ചെണ്ടമേളം പഞ്ചവാദ്യം തൃപ്പയാർ ബ്രദേഴ്സിന്റെ നാദസ്വരത്തോടെ വൈകിട്ട് 4ന് സഹോദര സ്ക്വയറിൽ നിന്ന് പൂരം എഴുന്നള്ളിപ്പ് ആരംഭിക്കും. വിവിധ സ്ഥലങ്ങളിലെ പറയെടുപ്പോടെ രാത്രി 7ന് ക്ഷേത്രത്തിൽ എത്തിച്ചേരും. തുടർന്ന് കലാപീഠം അരുൺ.സി.പണിക്കരുടെ തായമ്പക താലം കാവടി വരവ് തുടർന്ന് ചന്തിരൂർ മായ അവതരിപ്പിക്കുന്ന പുനനീർമ്മ നാടൻ കലാമേളയും 2ന് എഴുന്നള്ളിപ്പും 4ന് മംഗളപൂജ എന്നിവയോടെ 5 ദിവസം നീണ്ട ഉത്സവത്തിന് സമാപനമാകും.