കോലഞ്ചേരി: പഴന്തോട്ടം സർക്കാർ ഹയർ സെക്കൻഡറി സ്കൂൾ പി.ടി.എ യുടെ ആഭിമുഖ്യത്തിൽ നമ്മുടെ പള്ളിക്കൂടം സംരക്ഷണയാത്ര നടത്തി.സ്കൂളിന്റെ മികവ് ബോധ്യപ്പെടുത്തുക എന്ന ലക്ഷ്യത്തോടെ കലാജാഥ പര്യടനം നടത്തി. പ്രദീപ് ചാക്യാർ ചാക്യാർകൂത്തും, ഗായകരായ ഷാല​റ്റ്, ഐശ്വര്യ തമ്പി തുടങ്ങിയവർ ഗാനങ്ങളും ആലപിച്ചു. പ്രോഗ്രാം കോ ഓഡിനേ​റ്റർ സുഭാഷ് ചന്ദ്രൻ പഞ്ചായത്തംഗം ഷീജ അശോകൻ, അദ്ധ്യാപകരായ ഫാദർ കെ.എം യൽദോ, സി.എൻ. മോഹൻദാസ്, സി.കെ രാജൻ, ടി.ടി പൗലോസ്, ടി രമാഭായ്, രാമകൃഷ്ണ വാര്യർ തുടങ്ങിയവർ നേതൃത്വം നൽകി.