കൊച്ചി: അമൃത് പദ്ധതിയിൽ തമ്മനം പമ്പ് ഹൗസ് മുതൽ കടവന്ത്ര വരെ 500 എം.എം.ഡി ഐ പൈപ്പ് സ്ഥാപിക്കുന്ന പ്രവൃത്തിയുമായി ബന്ധപ്പെട്ട് ലൈനിൽ വാൽവ് ഘടിപ്പിക്കുന്ന ജോലികൾ നടക്കുന്നതിനാൽ തിങ്കളാഴ്ച നഗരത്തിന്റെ വിവിധ ഭാഗങ്ങളിൽ ജലവിതരണം തടസപ്പെടും. രാവിലെ 8.30 മുതൽ വൈകിട്ട് 4.30 വരെ കടവന്ത്ര, ഗിരിനഗർ, പനമ്പള്ളിനഗർ,ജവഹർ നഗർ, സുഭാഷ്‌ചന്ദ്രബോസ് റോഡ്, കതൃക്കടവ് എന്നിവിടങ്ങളിൽ കുടിവെള്ള വിതരണം തടസപ്പെടുമെന്ന് എക്സിക്യുട്ടീവ് എൻജിനിയർ അറിയിച്ചു.