കട്ടപ്പന: എസ്.എൻ.ഡി.പി യോഗം മലനാട് യൂണിയന്റെ നേതൃത്വത്തിൽ വിവാഹ പൂർവ കൗൺസിലിംഗ് എട്ട്, ഒമ്പത് തീയതികളിൽ യൂണിയൻ ഓഫീസിൽ നടക്കും. 18 വയസ് പൂർത്തിയായ യുവതികൾക്കും 21 വയസ് പൂർത്തിയായ യുവാക്കൾക്കും പങ്കെടുക്കാം. എട്ടിന് രാവിലെ ഒമ്പതിന് രജിസ്‌ട്രേഷൻ, 9.30ന് നടക്കുന്ന സമ്മേളനം മലനാട് യൂണിയൻ പ്രസിഡന്റ് ബിജു മാധവൻ ഉദ്ഘാടനം ചെയ്യും. യൂണിയൻ സെക്രട്ടറി വിനോദ് ഉത്തമൻ അദ്ധ്യക്ഷത വഹിക്കും. വൈദിക സമിതി യൂണിയൻ പ്രസിഡന്റ് സുരേഷ് ശാന്തി, വനിതാ സംഘം യൂണിയൻ പ്രസിഡന്റ് സി.കെ. വൽസ, യൂത്ത് മൂവ്‌മെന്റ് യൂണിയൻ പ്രസിഡന്റ് പ്രവീൺ വട്ടമല, എസ്.എൻ. ക്ലബ് പ്രസിഡന്റ് കെ.പി. ബിനീഷ്, സൈബർസേന ചെയർമാൻ കെ.എം. വിശാഖ്, കുമാരിസംഘം പ്രസിഡന്റ് ടി.പി. ഭാവന എന്നിവർ പ്രസംഗിക്കും. 10 ന് ഗുരുദേവന്റെ ദാമ്പത്യ സങ്കൽപം എന്ന വിഷയത്തിൽ ബിജു പുളിക്കലേടത്ത്, രണ്ടിന് കുടുംബഭദ്രത എന്ന വിഷയത്തിൽ പായിപ്ര ദമനൻ എന്നിവർ ക്ലാസെടുക്കും.
ഒമ്പതിന് രാവിലെ ഒമ്പതിന് നല്ല വ്യക്തിത്വവും കുടുംബജീവിതവും എന്ന വിഷയത്തിൽ ലെനിൻ പുളിക്കൽ, 11 ന് കുടുംബനിയമങ്ങൾ എന്ന വിഷയത്തിൽ അഡ്വ. പി.ആർ. മുരളീധരൻ, രണ്ടിന് കുടുംബജീവിതവും സ്ത്രീപുരുഷ ലൈംഗികതയും എന്ന വിഷയത്തിൽ ഡോ. അനിൽ പ്രദീപ് എന്നിവർ ക്ലാസെടുക്കും. നാലിന് സമാപന സമ്മേളനത്തിൽ യൂണിയൻ വൈസ് പ്രസിഡന്റ് വിധു എ. സോമൻ സർട്ടിഫിക്കറ്റ് വിതരണം ചെയ്യും. യോഗം ഡയറക്ടർ ബോർഡംഗം ഷാജി പുള്ളോലിൽ അദ്ധ്യക്ഷത വഹിക്കും.