ഇടുക്കി: ജില്ലയിലെ വിവിധ സർക്കാർ ഓഫീസുകളിൽ കെട്ടിക്കിടക്കുന്ന പരാതികൾ/ അപേക്ഷകൾ തീർപ്പാക്കുക, പൊതുജനങ്ങളുടെ പരാതികൾ പരിഹരിക്കുക എന്നീ വിഷയങ്ങൾക്ക് ഊന്നൽ നൽകിക്കൊണ്ട് ജില്ലാകളക്ടർ അഞ്ച് താലൂക്കുകളിലായി സംഘടിപ്പിച്ചിട്ടുള്ള പൊതുജന പരാതി പരിഹാര അദാലത്തിൽ തിങ്കളാഴ്ച്ച വരെ പരാതികൾ ഓൺലൈനായി സമർപ്പിക്കാം. മുഖ്യമന്ത്രിയുടെ ദുരിതാശ്വാസനിധി, പ്രകൃതിക്ഷോഭം, റേഷൻകാർഡ് ബി.പി.എൽ ആക്കുന്നത് എന്നിവയൊഴികെയുള്ള വിഷയങ്ങളിൽ പരാതികൾ/ അപേക്ഷകൾ എന്ന വെബ്‌സൈറ്റ് മുഖേന നേരിട്ടോ അക്ഷയ സെന്ററുകൾ മുഖേനയോ കളക്ടർക്ക് സമർപ്പിക്കാം. തൊടുപുഴ താലൂക്കിൽ ഫെബ്രുവരി 20നും ഉടുമ്പൻചോലയിൽ 25നും ഇടുക്കിയിൽ 28നും പീരുമേട് മാർച്ച് മൂന്നിനും ദേവികുളത്ത് ആറിനും ആണ് അദാലത്ത് .നടത്തുന്നത്.