ആലക്കോട്: തൊഴിലുറപ്പ് പദ്ധതിയിൽ ഇളംദേശം ബ്ലോക്കിലെ പ്രത്യേകം തെരഞ്ഞെടുക്കപ്പെട്ട പഞ്ചായത്തുകളായ വണ്ണപ്പുറം, വെള്ളിയാമറ്റം എന്നീ പഞ്ചായത്തുകളിൽ ജി.ഐ.എസ്(ജിയോഗ്രാഫിക്കൽ ഇൻഫർമേഷൻ സിസ്റ്റം) അടിസ്ഥാനത്തിൽ തൊഴിലുറപ്പ് പദ്ധതിയിൽ പ്രവൃത്തികൾ കണ്ടെത്തുന്നതിനായി സർവ്വേ നടത്തപ്പെടുന്നു. ഇതിന്റെ ഭാഗമായി വിവരശേഖരണം നടത്തുന്നതിലേക്കായി ഓരോ പ്രദേശത്തിന്റെയും പൂർണ്ണമായ വിവരങ്ങൾ ആൻഡ്രോയിഡ് ആപ് മുഖേന ശേഖരിച്ച് രേഖപ്പെടുത്തുന്നു. ഇതിനായി നിയോഗിച്ചിട്ടുള്ള എന്യൂമറേറ്റർമാർ ഓരോ വീടുകളും സന്ദർശിച്ച് ഓരോ ഭൂമിയിലും ഏതെല്ലാം തരത്തിലുള്ള പ്രവൃത്തികൾ തൊഴിലുറപ്പ് പദ്ധതി പ്രകാരം അടുത്ത അഞ്ച് വർഷത്തേക്ക് ഏറ്റെടുത്ത് നടത്താനാകുമെന്ന് ആൻഡ്രോയിഡ് ആപിലേക്ക് രേഖപ്പെടുത്തുന്നതായിരിക്കും. സർവ്വേ തൊഴിലുറപ്പ് പദ്ധതിയിലെ പ്രവൃത്തികൾ കണ്ടെത്തുന്നതിന് മാത്രമാണ് എന്ന് ബ്ലോക്ക് പ്രോഗ്രാം ഓഫീസർ കെ.ആർ. ഭാഗ്യരാജ് അറിയിച്ചു. .