കുമളി: ചെമ്പൻകുളം ഗോപി വൈദ്യർ എഴുതിയ കുട്ടിക്കവിതകളുടെ സമാഹാരമായ 'പാഠം ഒന്ന് ' എന്ന പുസ്തകത്തിന്റെ പ്രകാശനവും സാംസ്‌കാരിക സമ്മേളനവും 22ന് രാവിലെ 10.30ന് പാമ്പനാർ ശ്രീനാരായണ സെൻട്രൽ സ്‌കൂൾ ആഡിറ്റോറിയത്തിൽ നടക്കും. സാംസ്‌കാരിക സമ്മേളനം ഇ.എസ്. ബിജിമോൾ എം.എൽ.എ ഉദ്ഘാടനം ചെയ്യും. എസ്.എൻ.ഡി.പി യോഗം പീരുമേട് യൂണിയൻ സെക്രട്ടറി കെ.പി. ബിനു അദ്ധ്യക്ഷനാകും. പുസ്തകത്തിന്റെ പ്രകാശനം പ്രസിദ്ധ കവിയും ഗാനരചയിതാവുമായ മങ്കൊമ്പ് ഗോപാലകൃഷ്ണൻ എസ്.എൻ.ഡി.പി യോഗം മലനാട് യൂണിയൻ പ്രസിഡന്റ് ബിജു മാധവന് നൽകി നിർവഹിക്കും. സാഹിത്യകാരൻ ജോസ് കോനാട്ട് പുസ്തകം പരിചയപ്പെടുത്തും. വാഴൂർ സോമൻ, പി.എസ്. രാജൻ, ഷീബാ സുരേഷ്, കെ.എ. അബ്ദുൾ റസാക്ക്, പ്രൊഫ. ജോജി ജോർജ്, പ്രൊഫ. സനൂജ് സി. ബ്രീസ്‌വില്ല, പി.കെ. രാജൻ, മനു പ്രസാദ്, എൻ.ജി. സലികുമാർ, പി.എൻ. മോഹനൻ എന്നിവർ പ്രസംഗിക്കും.