ചെറതോണി: എസ് എൻ ഡി പി യോഗം ഇടുക്കി യൂണിയന്റെ നേതൃത്വത്തിൽ പ്രീമാര്യേജ് കോഴ്‌സ് 29, മാർച്ച് 1 ദിവസങ്ങളിൽ
നടത്തും. ശനിയാഴ്ച്ച രാവിലെ 10 ന് യൂണിയൻ ഓഡിറ്റോറിയത്തിൽ നടക്കുന്ന യോഗം യൂണിയൻ പ്രസിഡന്റ് പി രാജൻ ഉദ്ഘാടനം ചെയ്യും. വൈസ് പ്രസിഡന്റ് അഡ്വ .കെ ബി .സെൽവം അദ്ധ്യക്ഷത വഹിക്കും. യൂത്ത്മൂവ്‌മെന്റ് യൂണിയൻ പ്രസിഡന്റ് ബിനീഷ് കോട്ടൂർ, വനിതാ സംഘം യൂണിയൻ സെക്രട്ടറി മിനി സജി, പഞ്ചായത്ത് കമ്മറ്റിയംഗം ഷീല രാജീവ് എന്നിവർ പ്രസംഗിക്കും. രണ്ട് ദിവസങ്ങളിലായി യൂണിയൻ ഓഫീസിനോടു ചേർന്നുള്ള ടി എസ് ആനന്ദരാജൻ മെമ്മോറിയൽ ഓഡിറ്റോയിത്തിലാണ് പ്രീമാര്യേജ് കോഴ്സ് നടത്തുന്നത്. വിവിധ വിഷയങ്ങളെ കുറിച്ച് മാത്യു കോട്ടൂർ, വത്സമ്മ ടീച്ചർ എന്നിവർ ക്ലാസുകൾ നയിക്കും. സമാപന ദിവസമായ ഞായറാഴ്ച ഉച്ചയ്ക്ക് 2ന് നടക്കുന്ന യോഗത്തിൽ കോഴ്‌സിൽ പങ്കെടുക്കുന്നവരുടെ മാതാപിതാക്കൾകൂടി പങ്കെടുക്കണം. വൈകന്നേരം 4 ന് നടക്കുന്ന സമാപന സമ്മേളനം യൂണിയൻ സെക്രട്ടറി സരേഷ് കോട്ടയ്ക്കകത്ത് ഉദ്ഘാടനം ചെയ്യും. യോഗം ഡയറക്ടർ സി പി ഉണ്ണി അദ്ധ്യക്ഷത വഹിക്കും. വൈദിക സമിതി യൂണിയൻ പ്രസിഡന്റ് മഹേന്ദ്രൻ ശാന്തി, യൂണിയൻ കൗൺസിലർമാരായ മനേഷ് കുടിക്കയത്ത്, കെ എസ് ജിസ്, ഷാജി പുലിയാമറ്റം, ജോബി കണിയാംകുടിയിൽ, അനീഷ് പച്ചിലാംകന്നേൽ എന്നിവർ പ്രസംഗിക്കും.